गाउँ गाउँबाट समृद्धिको अभियान शुरु गर्नुपर्छ : मन्त्री अर्याल

काठमाडौं । भूमि व्यवस्था, सहकारी तथा गरिवी निवारण मन्त्री पद्मा अर्यालले कृषिबाट समृद्धि हासिल गर्न सकिदैन भन्ने मानसितकमा परिवर्तन गर्नुपर्ने धारणा राख्नुभएको छ ।

उहाँले श्रमलाई सम्मान गर्दै गाउँ गाउँबाट समृद्धिको अभियान शुरु गर्नुपर्ने बताउनुभयो । राष्ट्रिय सहकारी महासंघको २६ औं बार्षिक साधारण सभाको उद्घाटन समारोहलाई सम्बोधन गर्दै मन्त्री अर्यालले सरकारले गरिवी निवारण र समृद्धिको आधारमा रुपमा सहकारीलाई प्रोत्साहन गरिरहेको बताउनुभयो । उहाँले सहकारीका उत्पादनका लागि बजारीकरण गर्ने कार्य सरकारले गर्ने बताउनुभयो ।

‘पैसा भएर मात्र काम हुने भन्ने कुरालाई म स्विकानि कार्यक्रम र योजना बनाउँनुस् पैसाको कमिले ती कार्यक्रम रोकिने छैनन । त्यसको जिम्मेवारी म लिन्छु ।’ उहाँले भन्नुभयो । उहाँले सख्यात्मक रुपमा भन्दा पनि गुणात्मक रुपमा सहकारीको प्रवद्र्धन गर्नका लागि स्थानीय तहले प्रभावकारी रुपमा नियमन, प्रवद्र्धन गर्नुपर्ने धारणा राख्नुभयो । ‘नापी र मालपोतको भ्रष्ट्रारकले गलेको मनलाई उत्साहित बनाउने काम सहकारीले गरेको छ । यो उत्साहलाई बुद्धि गर्नका लागि सहकारीले नमुना कार्य गर्नुपर्दछ ।’ उहाँले भन्नुभयो । उहाँले नापी र मालपोतमा हुने अनियमितताको अन्त्यका लागि एउटा सिस्टम नै विकास गर्न आफू सक्रिय रहेको बताउनुभयो ।

सो कार्यक्रममा राष्ट्रिय सहकारी महासंघ लिका अध्यक्ष तथा पूर्व मन्त्री केशव बडालले महासंघको प्रगति विवरण प्रस्तुत गर्नुभएको थियो । उहाँले समृद्ध नेपाल, सुखी नेपाली राष्ट्रिय सोचलाई पुरा गर्न लोकतान्त्रिक गणतन्त्र र संघीय संरचना अन्तर्गत बनेको संघीय, प्रदेश र स्थानीय सरकार , निजी तथा सहकारी क्षेत्रको संयुक्त प्रयासमा जोड दिनुभयो । लेखा समितिका संयोजक धर्मदत्त देवकोटाले लेखा समितिको प्रतिवेदन प्रस्तुत गर्दै महासंघको आन्मनिर्भरताका लागि स्थायी आम्दानीको स्रोतको खोजी गर्नुपर्ने, सदस्य संघहरुको व्यवसायीक विकासका लागि पहल गर्नुपर्ने बताउनुभयो ।

सो कार्यक्रममा नेपाली कांग्रेसका नेता तथा प्रमुख सचेतक बालकृष्ण खाँडले सहकारी नेपाली समाज र अर्थतन्त्रको अभिन्न अंग भएको बताउनुभयो । प्रारम्भिक सहकारी संस्थाहर सुव्यवस्थित रुपमा संचालन गर्नका लागि एकिकरणमा जोड दिर्दै निर्माण हुन कानुनहरुलाई सहकारी मैत्री बनाउने प्रतिबद्धता व्यक्त गर्नुभयो ।

प्रदेश सभा सदस्य पशुपति चौलागाइले नेपालको लोकतान्त्रिक आन्दोलनलाई सहकारीले समृद्धि बनाउएको बताउनुभयो । महासंघका वरिष्ठ उपाध्यक्ष, मिनराज कँडेल, उपाध्यक्ष तथा आइसीए ग्लोबल बोर्ड सदस्य ओमदेवी मल्ल, पूर्व अध्यक्ष दीपकप्रकाश बास्कोटा, मन्त्रालयका सचिव गोपीनाथ मैनालीलगायतले आफ्नो धारणा राखेका थिए ।

महासंघको हाल सदस्य सख्या ३२५ रहेको र सहयोगी सदस्यको सख्या १३ रहेको बताइएको छ । साधारण सभाले १० प्रतिशत शेयर लाभांश वितरण गर्ने निर्णय गरेको छ । महासंघको शेयर पुँजी ३७ लाख २५ हजार रहेको छ । महासंघले आर्थिक बर्ष २०)७५÷०७६ का लागि ८ करोड ८८ लाख ६१ हजार ६ सय ३२ रुपैयाँको अनुमानीत बजेट तयार गरेको छ । महासंघले नेपाल सरकार, युएनडीपी, जिआइजेड,आइएलओलगायतसँगको सहकायमा विभिन्न कार्यक्रम गर्ने निर्णय गरेको छ ।

साधारण सभामा सदस्य संघका प्रतिनिधिहरुले स्थानीय तहमा सहकारी हस्तान्तरण भएसँगै अन्यौलता सिर्जना भएको बताएका थिए । उनीहरुले स्थानीय तहले तोकेको अडिटरबाट लेखा प्रशिक्षण गर्न दबाब दिएको, बार्षिक विवरण बुझ्न नमानेको, सहकारीलाई बजेट व्यवस्थापन नगरेको, सहकारी हेर्ने कर्मचारीको व्यवस्थापन नभएको लगाएको गुनासो गरेका थिए ।

केहि स्थानीय तहले भने सोचेभन्दा उत्कृष्ट रुपमा सहकारीमार्फत आफ्नो योजनाहरु अघि सारेको उदाहरण पनि प्रस्तुत गरिएको थियो । बाँके जिल्ला सहकारी संघका अध्यक्ष प्रेम सुवेदीले बाँकेका ८ वटै स्थानीय सरकारले सहकारीका लागि बजेट छुट्टाएको जानकारी दिनुभयो । ‘एउटा गाउँपालिकाले नै सहकारीको प्रवद्र्धन र विकासका लागि १ करोडभन्दा बढि रकम छुट्टाएको छ,’ उहाँले भन्नुभयो । त्यसैगरि मकवानपुरका पालिका अध्यक्ष समेत रहेका एकराज उप्रेतीले सबै जनप्रतिनिधिले सहकारी नबुझेका कारण कतिपय स्थानमा अन्योलता सिर्जना भएकाले जिल्ला तहबाट अभिमुखिकरण हुनुपर्ने बताउनुभएको थियो ।

भोजपुरका भतर ताम्राकारले स्थानीय तहसँग समन्वयनका लागि पहल गरिदिन आग्रह गर्दै सदस्यता शुल्क दुर्गम र सुगमका लागि फरक पार्नुपर्ने धारणा राख्नुभयो । महासंघका पूर्व संचालक डिल्लीराम तिवारीले प्रदेश सरकारले बनाउने सहकारी ऐनलाई सहकारी मैत्री बनाउनका लागि महासंघले नमुना तयार गर्नुपर्ने धारणा राख्नुभएको थियो ।

Share This: