अनुदान होइन सफ्ट लोन  दिनुपर्छ


बैकुण्ठ मिश्र
अध्यक्ष–जिल्ला सहकारी संघ नुवाकोट
१ जिल्ला संघले के गर्दैछ ?
जिल्ला संघले शिक्षा तथा तालिमका काम गर्दै छ । सहकारीसँग सम्बन्धीति लेखा, कर्जा व्यवस्थापन, नेतृत्व विकासलगायत विविधखाले तालिम दिदैँ आएका छौं । त्यस्तै दातृ निकायको साझेदारीमा पनि संस्थालाई तालिम दिन्छौं । तीन तहको तालिम चलाउँछौैं । व्यवसायिक तालिम हाम्रो विशेष प्राथमिकतामा पर्छ । त्यस्तै सदस्य संस्थाको आकश्यकताअनुसार पनि विभिन्न विषयमा तालिम दिन्छौं । त्यस्तै संघले सदस्यता वृद्वि, सहकारी छापाखाना सञ्चालन गरेका छौं । बहुउद्देश्यीय भवन छ । भवनमा कोपरेटिभ पसल सञ्चालनमा छ । सहकारी बैंक, अरु बैंक, कृषि संघ, उपभोक्ता पनि हाम्रो भवनबाट व्यापारिक काम गर्दै आएका छन् ।
२ नुवाकोटका सहकारीको लगानीको प्राथमिकता के छ ?
यहाँका सहकारीको मुख्य प्राथमिकता कृषि र व्यापार नै हो । कृषि, व्यापार र हायर पर्चेजमा सहकारीले धेरै लगानी गरेका छन् । जिल्ला संघमा आबद्व भएका सहकारीले ५ अर्ब ९२ करोड निक्षेप संकलन गरेका छन् । त्यसको २० प्रतिशत सञ्चालन खर्चबाहेक अरु लगानी गरेका छन् । संघमा आबद्व भएका सहकारीको शेयर पूँजी ८५ करोड पुगेको छ ।

३ सहकारीको विकासलाई कुन रुपमा हेर्नुभएको छ ?
हाम्रो बुझाइ अलि फरक छ । काठमाडौंभन्दा नुवाकोटको सहकारी धेरै अगाडि छ । सहकारीलाई भुगोल र पूँजीको आधारमा संकुचन गर्नुहुँदैन् । उत्पादन, सेवा र वित्तीय सहकारीका रुपमा सहकारीदलाई सही ढंगले अघि बढाउनुपर्छ । सहकारीको अनुगमन आवश्यक छ । सहकारीलाई सस्तो कर सेवा उपलब्ध उपलब्ध गराउनुपर्छ । त्यस्तै वित्तीयलाई वित्तिय मौर्दिक नीतिअनुरुप नियमन गर्न आवश्यक छ । ५ करोड भन्दा कमको कारोबार गर्ने सहकारीलाई करमुक्त गर्नुपर्छ । सहकारी–सहकारी मिलेर सामूहिक व्यापार गर्न पाउनुपर्छ । विभिन्न प्रकृतिका सहकारी मिलेर व्यवसायिक घोड दिन सक्दा सरकारले यथेस्ट अनुदान दिनुपर्छ ।

४ सहकारी ऐन संसदमा पेश भएको पनि लामो समय भइसक्यो । ऐन ढिलाई हुनुको कारण के देख्नुहुन्छ ?
सरकारको स्पष्ट दृष्टिकोण नभएर नै सहकारी ऐन आउनमा ढिलाई भएको हो । सरकारले सहकारी बुझेको छैन् र सहकारीलाई कता लैजाने भन्ने ज्ञान पनि छैन् । ऐन नआउनुको सरकारको सरकारको स्पष्ट दृष्टिकोण नभएरै हो । सहकारीलाई संकुचन गराउदा समस्या सिर्जना हुन्छ । हामीले मन्त्रालय, बोर्ड, विभागमा जताततै सुझाव पठाएको छौं । सहकारीमैत्री ऐन आउन केही समय लागेको होला ।

५ सहकारीमा अनुदानको चर्चा व्यापक हुने गर्दछ, सहकारीको विकासका लागि अनुदान आवश्यक नै हो ?
म अनुदानको विरोधी हुँ । सहकारी सहकारी मिलेर लगानी गर्ने हो भने अनुदान ठिक हो । नत्रभने सहकारी विभागले दिने दुईतीना लाखे अनुदान उचित होइन । त्यसले सहकारीको विकासमा टेवा पुग्न सक्दैन् । यो त राज्यको सम्पत्तिको दुरुपयोग नै हो । अनुदान लिदाँ लिदैँ सकिन्छ विभागले दिने दुईतीन लाख त । कि त सहकारीले रासायानिक मल खोल्न, विभिन्न उद्योग सञ्चालन गर्न खोज्छ भने त्यस्ता सहकाीलाई अनुनदान आवश्यक पर्न सक्छ । सहकारी मिलेर ठूल्ठूला उद्योग सञ्चालन गर्न सक्छन्, त्यसबखत अनुदान चाहिन्छ । सहकारीलाई अनुदान होइन सफ्ट लोन दिनुपर्छ ।


प्र तिक्रिया दिनुहोस !

सम्बन्धित खबरहरु

कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन
तामाकोसी क्लष्टरको १४औं कार्यकुशलता तथा सिकाई व्यवस्थापन कार्यशाला सम्पन्न