युनिक सहकारीको शेयर पुँजी ५६ प्रतिशतले बढ्यो


ललितपुर । युनिक बचत तथा ऋण सहकारी संस्थाले अघिल्लो आर्थिक वर्षको तुलनामा आव २०७३/७४ मा ५६ दशमलव ३४ प्रतिशत शेयर पुँजी थप गरेको छ ।

 

संस्थाले अघिल्लो आवको तुलनामा ३२ लाख ४३ हजार ३ सय थप गरी ९० लाख शेयर पुँजी बनाएको छ । संस्थाको नवौं वार्षिक साधारणसभाका अवसरमा १० करोड ३४ लाख ७ हजार ७ सय ५८ रुपैयाँ निक्षेप संकलन गरी ९ करोड ८३ लाख ४२ हजार ४६ रुपैयाँ कर्जा संकलन गरेको अध्यक्ष मिथिला खड्काले जानकारी दिनुभयो ।

 

कार्यक्रममा बोल्दै नेपाल बहुउद्देश्यीय सहकारी संघका कोषाध्यक्ष माधव तिमिल्सिनले सदस्यको सामाजिक, आर्थिक र सांस्कृतिक उत्थानका लागि काम गनुपर्ने बताउनुभयो । सदस्यलाई सक्रिय बनाएर नै संस्थाले प्रगति हासिल गर्न सक्ने भएकाले सदस्य शिक्षामा जोड दिनुभयो ।

 

नेपाल बचत तथा ऋण केन्द्रीय सहकारी संघ(नेफ्स्कुन)का लेखा समिति सदस्य विपिन शर्माले तीन वर्षभित्र दोहोरो सदस्य खारेज हुने भन्दै सही संस्था छनोट गर्नुपर्नेमा जोड दिनुभयो । युनिक साकोसको वित्तीय सूचक राम्रो भएको भन्दै शर्माले सक्रियरुपमा कारोबार गरेर उत्कृष्ट सहकारी बनाउन लाग्नुपर्ने बताउनुभयो ।

 

कार्यक्रममा काठमाडौं जिल्ला सहकारी संघका अध्यक्ष तुलसी सापकोटाले पारदर्शिता र सक्रियताले नै संस्थाले प्रगति हासिल गर्ने बताउनुभयो ।

 

जिल्ला सहकारी संघ ललितपुरका पूर्व सञ्चालक सशीधर पोखरेलले जिल्लाकै उत्कृट सहकारीमध्येको युनिक सहकारीले सहकारी अभियानमा उल्लेख्य योगदान दिएको बताउनुभयो ।

 

जिल्ला बचत संघ ललितपुरका उपाध्यक्ष जगत महर्जनले सहकारीको मर्मलाई आत्मसात गरी चलेको संस्थाले स्थानीय समुदायको मन जित्न सफल भएकोमा खुसी व्यक्त गर्नुभयो ।


प्र तिक्रिया दिनुहोस !

सम्बन्धित खबरहरु

मकवानपुरमा सहकारी लक्षित बार्षिक योजना तथा बजेट निर्माण तालिम सम्पन्न
कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन