मेरो प्रतिष्पर्धी कोही छैन


शरदकुमार महर्जन
अध्यक्ष–जिल्ला बहुउद्देश्यीय सहकारी संघ ललितपुर
जिल्ला बहुउद्देश्यीय सहकारी संघ ललितपुरको आउँदो माघ ६ गते निर्वाचन हुँदै छ । संघको पाँचौं वार्षिक साधारणसभाले नयाँ नेतृत्वसमेत चयन गर्दै छ । वर्तमान अध्यक्ष शरदकुमार मर्हजन आगामी नेतृत्वका लागि आकांक्षीय हुनुहुन्छ । प्रस्तुत छ, महर्जनसँग गरिएको पाँच प्रश्न ।

 

१ जिल्ला बहुउद्देश्यीय सहकारी संघको चुनावको तयारी कस्तो छ ?
चुनावी प्रक्रिया अघि बढेको छ । भोलि मनोनयन छ भने ६ गते चुनाव हुँदै छ मेरै कार्यकालमा जिल्ला बहुउद्देश्यीय सहकारी संघ बलियो संघकोरुपमा स्थापित भएको छ । मेरो अहिलेसम्म कोही प्रतिष्पर्धी देखिएको छैन । सर्वसम्मत नै एक कार्यकाल नेतृत्व दोहो¥याउने संभावना छ ।

 

 

२  तपाईको एजेन्डा के छ ?
जिरो लेभलबाट सुरु गरेको संघ आफ्नै खर्चमा उभिन सक्ने भएको छ । मेरो उत्कृष्ट बहुउद्देश्यीय संघकोरुपमा स्थापित गर्ने सोच छ । ललितपुरका १२ वटा संघमध्ये दोस्रो दोस्रो पोजिसनमा हामी छौं । अब पहिलो बन्ने सोचमा छौं । संघलाई प्रविधियुक्त बनाउने, ऐनले व्यवस्था गरेअनुसार प्रकृतिअनुरुपको व्यवसायमा केन्द्रीत गराउनेमा ध्यान केन्द्रीत हुने छ ।

 

३  खासमा बहुउद्देश्यीय सहकारीलाई काम गर्न चुनौती के छन् ?
समस्या धेरै थिए । कुनै समयमा संघमा आबद्वता किन भन्ने नै पुष्टी गर्न सक्ने अवस्था थिएन । तर हाम्रो कार्यकालमा नमूना काम गर्न सफल भएका छौं । विगत चार वर्षदेखि संघमा आबद्व सहकारी संस्थाले शेयर लाभांश पाउन थालेका छन् । संभवतः लाभांश दिने संघमा यो देशकै पहिलो संघ हुनुपर्छ । हामीले शिक्षा, तालिम, नियमित गर्र्दैछौं । विगतको संघले गर्न नसकेको अवस्था रहेपनि अहिले धेरै कामहरु गरेका छौं ।

 

४ तपाई अहिले पनि अध्यक्ष हुनुहुन्छ, फेरी तपाईको नै आवश्यकता किन महसुश गर्नुभयो ?
ललितपुरमा शरदकुमार महर्जनको विरुद्वमा कोही नआउनु मेरो कामको मूल्यांकन नै हो । यतिखेर ललितपुरको सहकारी क्षेत्रमा बलियो आधार खडा गरेको अनुभूति भएको छ । अभियानमा मैले दिएको योगदानले संघमा थप कामका लागि मार्गदर्शन मिलेको छ । अबको कार्यकालमा नमूना सहकारी संघकोरुपमा स्थापित गर्ने मेरो सोच छ ।

 

५ सहकारीको प्रवद्र्वनका लागि संघहरुको भूमिका कत्तिको प्रभावकारी भएको पाउनुभएको छ?
विगतका दिनमा संघले कम गर्न सकेनन् । तर पछिल्लो समयमा सहकारीको अभिभावक राष्ट्रिय सहकारी महासंघ राम्रो संरचनामा अघि बढेको छ । ऐनले सहकारीलाई उर्जा प्रदान गरेको छ । हामीले भनेजस्तो हुबहु ऐन नआएपनि नेपालको अर्थतन्त्रमा सहकारी एउटा पिलर नै हो भन्ने संविधान र सहकारी ऐनले पनि थप पुष्टी गरीसकेको छ । अब सहकारी दुर्तगतिमा अघि बढ्नुपर्छ । सहकारीले लक्ष्य पूरा गर्न सक्छ । केन्द्रीय लेभलका संघले नीतिगत कुरा दिने हो । विषयगत जिल्ला संघले आबद्व संस्थाको व्यवसाय प्रवद्वनमा जोड दिनुपर्छ ।

 

 

 

 


प्र तिक्रिया दिनुहोस !

सम्बन्धित खबरहरु

कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन
तामाकोसी क्लष्टरको १४औं कार्यकुशलता तथा सिकाई व्यवस्थापन कार्यशाला सम्पन्न