सहकारी पारदर्शी र व्यवस्थित बन्नुपर्छ : मन्त्री बस्नेत


काठमाडौं, माघ ६ । साकुरा सेभिङ्ग एण्ड क्रेडिट को–अपरेटिभ लि.को प्रधान कार्यालयको चुच्चेपाटीमा उद्घाटन भएको छ । दश वर्ष अगाडी काठमाडौंको स्रोह्रखुट्टेबाट कारोबार सुरु गरेका संस्थाले चावहिलको चुच्चेपाटीमा एक समारोहकाबिच आफ्नो प्रधान कार्यालयको औपचारिक उद्घाटन गरिबी निबारण तथा सहकारी मन्त्री अम्बिका बस्नेतद्वारा गराएको हो ।

 

संस्थामा २ सय ४० शेयरसदस्य, शेयर पूँजी २ करोड, चुत्ता पूँजी १ करोड र कारोबार ७ करोड रहेको को–अपरेटिभका कोषाध्यक्ष गोबिन्द कार्कीले जानकारी दिनुभयो ।

 

गरिबी निवारण तथा सहकारी मन्त्री अम्बिका बस्नेतले नेपाल जस्तो विकासोन्मुख देशमा सहकारीले महत्वपूर्ण भूमिका खेलेको कुरामा जोड दिुभयो । साकुरा सेभिङ्ग एण्ड क्रेडिट को–अपरेटिभ लि.को प्रधान कार्यालयको उद्घाटनका प्रमुख अतिथि समेत रहेकी मन्त्री बस्नेताले सहकारी ऐन २०७४ कार्यान्वयनमा आईसकेकाले अब सहकारी संस्थाहरु व्यवस्थित भई सकेको बताउनुभयो ।

 

जनमानसमा रहेको भ्रमलाई चिर्दै यस ऐनले जनताको बचत र सहकारीको लगानी दुवै पक्षको सुरक्षाको ग्यारेण्टी गरेको बताउनुभयो । उहाँले सहकारीले रोजगारीको सृजना गरि बढ्दो वैदेशिक रोजगार घटाउनुका साथै रोजगार सृजनामा समेत टेवा पुगेको बताउनुभयो । उहाँले नेपाल रेमिटान्स्ले नै धानेको उल्लेख गर्दै सहकारीलाई अझै पारदर्शी र व्यवस्थित गर्दै लैजानु पर्नेमा जोड दिनुभयो ।

 

मन्त्री बस्नेतले सहकारीमा सञ्चालक र शेयरसदस्यबीच अन्तर रहेको बताउँदै उहाँले यसलाई अन्त गर्न शेयरसदस्यलाई संस्थाप्रति आफ्नो अपनत्वको वातावरण बनाउन आग्रह गर्नुभयो ।

 


मन्त्री बस्नेतले सहकारीले गाउँदेखि शहर सम्म साना ठूला व्यक्ति तथा संस्था सबैलाई वित्तिय संस्थामार्फत कारोबार गर्नमा महत्वपूर्ण भूमिका खेलेको बताउनुभयो ।

 

कार्यक्रममा पूर्व मन्त्री तथा सांसद गगन थापाले सहकारीलाई नेपालको अर्थतन्त्रलाई चलायमान राख्न सहकारीको महत्वपूर्ण भूमिका रहेको बताउनुभयो । उहाँले संख्यात्मक भन्दा गुणस्तरीय सेवा दिनुपर्ने उल्लेख गर्दै सहकारीले परिवर्तित परिस्थिति अनुसार सेवा सञ्चालन र विस्तार गर्न चुनौतीपूर्ण रहेको बताउनुभयो ।

 

प्रदेश सभा सदस्य नरोत्तम वैद्यले वित्तीय संस्था मार्फत कारोबार गर्दा अर्थतन्त्र चलायमान हुने भएकाले घर–घरमा धन संचित गरी राख्न नहुनेमा जोड दिंदै सबैले वित्तीय संस्था मार्फत कारोबार गर्न आग्रह गर्नुभयो । कार्यक्रममा को–अपरेटिभ का कोषाध्यक्ष गोबिन्द कार्कीले स्वागत मन्तव्य व्यक्त गर्दै सबैको विश्वास जित्दै संस्था यो अवस्थामा आएको बताउनुभयो ।

 

यसले आगामी दिनमा काठमाडौंभर सेवा केन्द्र विस्तार गर्दै शेयसदस्यलाई बढी भन्दा बढि लाभांश वितरण गर्ने, पारदर्शी र छिटो छरितो, आधुनिक प्रविधिबाट ग्राहकलाई सेवा दिने सहकारीको लक्ष्य रहेका जानकारी दिनुभयो । सहकारीका अध्यक्ष सानु मैयाँ श्रेष्ठले संस्थालाई विश्वास गरि आर्थिक कारोबार गरिदिनुहुन आग्रह गर्नुभएको थियो ।


प्र तिक्रिया दिनुहोस !

सम्बन्धित खबरहरु

नवलपुरमा कोपोमिस दाखिला तथा भाखा नाघेको ऋण व्यवस्थापन कार्यक्रम सम्पन्न
सुनसरीमा साकोसहरुबीच असल सिकाई आदान प्रदान
धनुषामा साकोसहरुका लागि वार्षिक कार्ययोजना तथा बजेट निर्माण तालिम सञ्चालन
सदस्य सम्बन्ध व्यवस्थापन तालिम सम्पन्न