सहकारी महासम्मेलन तयारी पूरा


काठमाडौं । चैत्र २१ र २२ गते हुने दोस्रो सहकारी सम्मेलनको तयारी पूरा भएको छ । राष्ट्रिय सहकारी महासंघले मंगलबार पत्रकार सम्मेलनको आयोजना गरी महासम्मेलनको तयारी पूरा भएको जनाएको हो ।  दोस्रो महासम्मेलनले वर्तमान सहकारीको समीक्षा गर्र्दै भावी कार्यदिशा तय गर्ने भएको छ ।

 

राष्ट्रिय सहकारी महासंघ र सहकारी तथा गरिबी निवारण मन्त्रालयको संयुक्त आयोजनामा हुने सहकारी महासम्मेलनले कार्ययोजना तय गर्ने सूचना तथा प्रचार प्रसार उपसमिति संयोजक चन्द्रप्रसाद ढकालले जानकारी दिनुभयो ।

 

महासम्मेलनमा अन्तराष्ट्रिय सहकारी महासंघका नव निर्वाचित अध्यक्ष एरियल ग्वार्काे विशेष अतिथिको रूपमा र अन्तराष्ट्रिय सहकारी महासंघ एशिया प्रशान्त क्षेत्रीय बोर्डका सदस्यहरु उपस्थित हुने भएका छन् ।

 

महासम्मेलनमा कृषि, भूमि व्यवस्था तथा सहकारी मन्त्रालयका सचिव गोपिनाथ मैनालीले नेपालको सहकारी अभियान ः २०२२ सम्मको कार्यदिशा, डा खिमलाल देवकोटाले सहकारीको प्रवद्र्धनमा सरकारका विभिन्न तहको भूमिका विषयक कार्यप्रत्र प्रस्तुत गर्ने छन् ।

 

त्यसैगरी प्रा. डा पुष्पराज कँडेलले दीगो विकास लक्ष्य र यसको कार्यान्वयनका लागि सहकारी क्षेत्रको सहभागिता, पूर्व मूख्य सचिव डा. विमल कोइरालाले वित्तिय सहकारी, चुनौती र सम्भावना, डा रामशरण खरेलले तीन खम्बे अर्थनीतिका सन्दर्भमा सहकारी, निजी र सार्वजनिक क्षेत्रबीच सहकार्य, सहकारीमा महिला र युवाको सहभागिता विषयमा अन्तर्राष्ट्रिय सहकारी महासंघकी ग्लोबल बोर्ड सदस्य तथा राष्ट्रिय सहकारी महासंघकी उपाध्यक्ष ओमदेवी मल्लले कार्यप्रत्र प्रस्तुत गर्ने छन् ।

 

महासम्मेलनमा सहकारी संघसंस्था, सहकारी सम्बद्ध सरकारी तथा गैहसरकारी निकायका प्रतिनिधिहरू करिव १ हजार जनाको सहभागिता रहने आयोजकले जानकारी दिएको छ ।

पत्रकार सम्मेलनमा बोल्दै राष्ट्रिय सहकारी महासंघका अध्यक्ष केशवप्रसाद बडालले सरकारको हातेमालोविना सहकारीले गति लिन नसक्ने बताउनुभयो । सहकरी कृषिमा जान चाहेपनि नीति, नियमका कारण समस्या परेको उहाँको भनाई थियो ।

कृषि, भूमि व्यवस्था तथा सहकारी मन्त्रालयका सचिव गोपीनाथ मैनालीले सहकारीको भावनाअनुसार नियमावली ल्याइने बताउनुभयो । सहकारीलाई उत्पादनमा जान सजिलो हुनेगरी कानुन ल्याइने उहाँको भनाई थियो ।


प्र तिक्रिया दिनुहोस !

सम्बन्धित खबरहरु

कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन
तामाकोसी क्लष्टरको १४औं कार्यकुशलता तथा सिकाई व्यवस्थापन कार्यशाला सम्पन्न