समृद्धिका लागि सहकारीलाई प्रवद्र्धन गर्छौ : नगर प्रमुख महर्जन


काठमाडौं । कीर्तिपुर नगरपालिकाका प्रमुख रमेश महर्जनले नगरपालिकाको आर्थिक समृद्धि र सामाजिक रुपान्तरणका लागि सहकारी क्षेत्रसंग समन्वय गरेर अगाडि बढ्ने प्रतिवद्धता व्यक्त गर्नु भएको छ ।  जनतालाई आत्मनिर्भर बनाई दीगो विकासका लागि सहकारी उपयुक्त र प्रभावकारी माध्यम भएको भन्दै उहाँले सहकारीको विकासका लागि नगरपालिकाले प्रभावकारी काम गर्ने बताउनुभयो ।

 

उहाँले नगरपालिकाले सहकारीलाई प्रवद्र्धनका लागि सहकारीमैत्री ऐन कानुन निर्माण गरेर अगाडि बढ्ने प्रतिवद्धता व्यक्त गर्नुभयो । सहकारी आर्थिक विकास र सामाजिक रुपान्तरण महत्वपूर्ण माध्यम भएकाले यसको सेवालाई प्रभावकारी बनाउन सहकारीहरुले ध्यान दिनु पर्ने बताउनुभयो । कार्यक्रममा सहकारी तथा गरिवी निवारण मन्त्रालयका उपसचिव उपेन्द्रबहादुर ढुंगानाले सहकारीमा स्थानीय तहको भूमिका विषयक अवधारणा प्रस्तुत गर्नु भएको थियो ।

 

उहाँले संघीय संरचना अनुसार सहकारीको दर्ता, नियमन र प्रवद्र्धनका काम अब स्थानीय तहले गर्ने भएकाले सहकारीलाई प्रभावकारी रुपमा सञ्चालनका लागि स्थानीय सरकार गंभिर बन्नु पर्नेमा जोड दिनुभयो ।  

 

कार्यक्रममा राष्ट्रिय सहकारी बैंकका प्रवन्ध सञ्चालक के.बी.उप्रेतीले सहकारीहरुको प्रवद्र्धन र विकासका लागि बैंक सदैव क्रियाशिल रहेको बताउनुभयो । उहाँले वित्तीयसंगै शिक्षा, तालिम र ऐन कानुन निर्माणमा समेत सहकारीहरुलाई बैंकले सहयोग र समन्वय गर्दै आएको भन्दै समन्वय गर्न आव्हान गर्नु भयो ।   कार्यक्रमको उदेश्यका बारेमा बैंकका सञ्चालक रामबहादुर जिसीले जानकारी गराउनु भएको थियो ।

 कार्यक्रममा सहभागीले राखेका जिज्ञासाको बारेमा बैंकका लेखा समिति सदस्य सागर नेपालले स्पष्ट पार्नु भएको थियो ।   कार्यक्रममा जिल्ला सहकारी संघ लिमिटेड काठमाडौंका अध्यक्ष टेकप्रसाद चौलागाईले काठमाडौमा सहकारीको अवस्था,  हस्तान्तरणको अवस्था लगायत प्रवद्र्धनका लागि भएको प्रयासहरुका बारेमा जानकारी गराउनु भएको थियो ।   बैंकको संक्षिप्त परिचय र कलंकी शाखाको अवस्थाका बारेमा कलंकी शाखाका प्रमुख अपर्णा पन्तले जानकारी गराउनु भएको थियो ।  

 

कार्यक्रम बैंकका सञ्चालक ज्ञानबहादुर तामाङको अध्यक्षता, बैंकका प्रवन्धक एवम् शिक्षा तथा तालिम विभागका प्रमुख रामबाबु आचार्यको स्वागत र बैंकका अधिकृत मिनाकुमारी शर्माको सञ्चालनमा सम्पन्न भएको थियो ।   कार्यक्रममा किर्तिपुर नगरपालिकाका जनप्रतिनिधिहरु र क्षेत्रका करिब १ सय वटा सहकारी संघ संस्थाका प्रतिनिधिहरुको सहभागिता रहेको थियो । 


प्र तिक्रिया दिनुहोस !

सम्बन्धित खबरहरु

सहकारी अध्ययनका लागि नेफ्स्कून अगुवाईको टोली भारत भ्रमणमा जाँदै
गतिशील साकोस प्रोबेसन कार्यक्रममा आबद्ध
महालक्ष्मी साकोसको २१औं बार्षिक साधारणसभा सम्पन्न
कास्कूनको आयोजनामा एक दिवसीय ऋण परामर्श तालिम