समूह सहकारीमा रुपान्तरण हुदैं


बैतडी, मंसिर ९ । समूहमा आबद्व भएका बैतडीका अधिकांश व्यक्ति सहकारीमा लाग्न थालेका छन् ।
सन् २०११ देखि बैतडीमा काम गदै आएको प्रमिस परियोजनाले अहिले सम्म १ सय ८९ अनौपचारिक समूहलाई सहकारी आवद्धताका लागि सहयोग गरेको छ ।
मर्सीकोर नेपालले सहकारी बनाउन ती समूहरुलाई सहयोग गर्दै आएको छ । परियोजना अवधिभर ३ सय ५० अनौपचारिक समूहमा पहुँच पुगेको र १ सय ८९ लाई पूर्ण रुपमा सहकारीमा रुपान्तरण गरिएको मर्सीकोर नेपालका बरिष्ठ परियोजना अधिकृत रमेश जोशीले बताउनुभयो ।
अनौपचारिक क्षेत्रमा कार्यरत ब्यक्तिहरुको गरिबि घटाउने र जोखिम तथा बिपद ब्यवस्थापन गर्ने क्षमता अभिबृद्धी गर्ने मूलभूत उद्देश्यका साथ शुरु गरिएको परियोजनाले परियोजना अवधिभर अनौपचारिक क्षेत्रमा कार्यरत ब्यक्तिहरु तथा समुहहरुलाई सामाजिक शुरक्षा उपायहरु बारे १ सय ६० ओटा सचेतना तालिम संचालन गरेको जनाएको छ ।
परियोजना अवधिभर २५ गाविसका ३३ ओटा सहकारी संस्थाहरुमा विभिन्न क्रियाकलाप संचालन गरेको बताइएको छ ।
परियोजनाले १६ ओटा नयाँ दर्ता भएका सहकारी संस्था र १८ ओटा अगाडि नै दर्ता भएका सहकारी संस्थामा आफ्नो कार्यक्रम संचालन गरेको जनाएको छ । परियोजना अवधिभर ९ हजार ३ सय ७३ जना सहकारीमा आवद्ध भएको परियोना अधिकृत जोशीले बताउनुभयो ।


प्र तिक्रिया दिनुहोस !

सम्बन्धित खबरहरु

नवलपुरमा कोपोमिस दाखिला तथा भाखा नाघेको ऋण व्यवस्थापन कार्यक्रम सम्पन्न
सुनसरीमा साकोसहरुबीच असल सिकाई आदान प्रदान
धनुषामा साकोसहरुका लागि वार्षिक कार्ययोजना तथा बजेट निर्माण तालिम सञ्चालन
सदस्य सम्बन्ध व्यवस्थापन तालिम सम्पन्न