सहकारीको विवरण व्यवस्थित गर्ने तयारी


काठमाडौं, मंसिर १२ । सहकारी विभागले सहकारीको विवरण व्यवस्थित गर्ने भएको छ । चालू आर्थिक वर्षभित्र पत्येक डिभिजन सहकारी कार्यालयमा तथ्यांक सहायक थपेर विवरण व्यवस्थित गर्ने तयारी शुरु भएको छ ।
सहकारीको संख्यात्मक वृद्धिसँगै कारोबार रकम बढे पनि सरकारले सहकारीको विवरण व्यवस्थित गर्न नसक्दा समस्या देखिन थालेको छ । सहकारीको कारोबारलगायतका विवरण अझै पनि कागजी फाइलमा अव्यवस्थित रूपमा रहदै आएकाले छिट्टै कम्प्युटराई गर्ने तयारी भएको सहकारी विभागका रजिष्ट्रार बिष्णुहरि पौडेलले बताउनुभयो । सहकारीको कारोबार बढेर अर्बौं पुगिसक्दा पनि विवरण व्यवस्थित गरी प्रभावकारी अनुगमन गर्न नसक्दा जोखिम बढ्दै गएकले त्यसतर्फ सचेत हुन थालेको उहाँको भनाई छ ।
अर्बभन्दा बढी कारोबार गर्ने सहकारी आधा दर्जनजति बढी । तर, डिभिजन सहकारी कार्यालयमा अझै पनि कम्प्युटरमा सहकारीको विवरण राख्ने व्यवस्था शुरु भएको छैन् । डेपुटी गभर्नर महाप्रसाद अधिकारीको संयोजकत्वमा गठित समितिले डिभिजन सहकारी कार्यालयबाट सहकारीहरूको विवरण नपाएपछि सार्वजनिक सूचना जारी गरेर विवरण माग गरेको थियो ।
सहकारी दर्ता गर्दा डिभिजन कार्यालयहरूले संस्थापक सदस्यहरूको तीनपुस्ते विवरण, नागरिकताको फोटोकपी, फोटो, अस्थायी बसोबासको प्रमाण, संस्थाको विनियमलगायतका कागज पत्र राख्ने गर्छन् । त्यसपछि प्रत्येक सहकारीका छुट्टाछुट्टै फाइल राखेर त्यसमा सहकारीले बुझाउने वार्षिक प्रतिवेदन, लेखापरीक्षण प्रतिवेदन र कारोबार विवरण राख्दै आएका छन् ।


प्र तिक्रिया दिनुहोस !

सम्बन्धित खबरहरु

मिलिजुली कालिञ्चोक साकोसद्वारा क्यूआर कोड सेवा सुरु
पोखरामा सहकारीको संयुक्त रक्तदान कार्यक्रमः ६२ युनिट रगत संकलन
सहकारी अनुगमन प्रभावकारी बनाउन समितिद्वारा कर्मचारीहरुलाई तालिम
अमर साकोसका कर्मचारीहरुको क्षमता विकास आधारभूत तालिम सम्पन्न