भक्तपुर बचत संघको आमदानी दोब्बर


भाद्र २८, भक्तपुर जिल्ला बचत तथा ऋण सहकारी संघ लि. को कूल सम्पत्ति करिब १ अर्ब ३ करोड रूपियाँ पुगेको छ । त्यसै गरी संघले अघिल्लो आर्थिक वर्ष भन्दा दोब्बर आमदानी गरेको छ । संघको हालै बसेको भर्चुअल समीक्षा बैठकमा संघका अध्यक्ष कृष्ण गोपाल लाखाजुले कोरोना भाइरस महामारीको अवस्थामा पनि संघमा निक्षेप बृद्धि उत्साहजनक रूपमा भएको बताउनुभयो । लगानीको बातावरण नभएकोले सहकारी संघसंस्थामा अधिक तरलता भएको र न्यून व्याज दरमा बैंक तथा वित्तीय संस्थामा राख्नु पर्ने बाध्यता आईपरेको भन्दै लाखाजुले सहकारी संघहरुले यस्तो परिस्थितिमा प्रभावकारी भूमिका खे खेल्नुपर्ने विचार राख्नुभयो ।

संघका उपाध्यक्ष हरि बल्लले संघको जोखिम व्यवस्थापन कार्यदलले महामारीको विषम परिस्थितीमा संघको वित्तीय जोखिम तथा कार्यालय संचालन जोखिमका सम्बन्धमा निरन्तर क्रियाशिल रहि सदस्यहरुलाई मार्ग निर्देशित गरेको बताउनु भयो । संघका कोषाध्यक्ष कान्छाभक्त घजुले महामारीका कारण बचत धेरै संकलन हुनुको साथै ऋण असुली बृद्धि भएकोले ऋण लगानीमा चुनौती थपिएको कुरा राख्नुभयो । घजुले संघले आ.व. २०७६/७७ मा १ करोड ४४ लाख नाफा गर्न सफल भएको जानकार दिनुभयो । संघले निर्माणाधिन भवनका लागि २५ हजार रुपियाँ वा सो भन्दा बढी सहयोग गर्ने सदस्य संस्था तथा व्यक्तीको नाम शिलापत्रमा प्रकाशित गर्ने घजुले जानकारी दिनुभयो ।

सघंका व्यवस्थापक बालकृष्ण धोजुले सघंको कार्यक्रम प्रगति विवरण पेश गर्नुका साथै महामारीका समयमा केकसरी संघले कारोवार र सेवाहरू संचालन गरिरहेको छ भन्ने बारे प्रस्तुतीकरण राख्नुभयो । भक्तपुर बचत तथा ऋण सहकारी संघमा हाल १९७ वटा साकोसहरूको सदस्यता रहेको छ ।


प्र तिक्रिया दिनुहोस !

सम्बन्धित खबरहरु

मिलिजुली कालिञ्चोक साकोसद्वारा क्यूआर कोड सेवा सुरु
पोखरामा सहकारीको संयुक्त रक्तदान कार्यक्रमः ६२ युनिट रगत संकलन
सहकारी अनुगमन प्रभावकारी बनाउन समितिद्वारा कर्मचारीहरुलाई तालिम
अमर साकोसका कर्मचारीहरुको क्षमता विकास आधारभूत तालिम सम्पन्न