सहकारी डबली ४० मा ‘स्थानियता र सहकारी’ विषयमा छलफल


रौतहट, असोज २३ । रौतहटका सहकारीकर्मीहरूले स्थानिय तहले सहकारीलाई सेवा दिन नसकेको गुनासो गरेका छन् । सहकारी डबलीको ४० औँ श्रृङ्खलामा ‘स्थानियता र सहकारी’ विषयमा छलफल भएको थियो ।  छलफलमा सहभागीहरूले स्थानिय तहमा सहकारी संस्थाको दर्ता र नियमनको अधिकार हस्तान्तरण भएता पनि प्रभावकारी रूपमा काम हुन नसकेको धारणा राखे । सहकारी ऐन २०७४ले व्यवस्था गरेका दोहोरो सदस्यता अन्त्य, मुख्य कारोवारको विषय जस्ता अनिवार्य प्रावधानहरू कार्तिक १ गते देखि लागु हुने कुरा व्यवहारिक नभएको सहभागीहरूले बताए । कोभिड १९ को महामारीका कारण संस्थाको पैसा लगानी नभइ तरलता बढि भएको र लगानी गरिएको ब्याज असुल हुन समस्या भइरहेको सहभागीहरूको भनाई छ ।

छलफलमा विज्ञको रूपमा सहभागी हुनुभएका गरिवी निवारण कोषका पूर्व कार्यकारी निर्देशक नहकुल के.सी.ले स्थानिय तहले काम गरेन भनेर त्यसको विकल्प खोज्ने भन्दा निर्वाचित जनप्रतिनिधिहरूलाई कुरा बुझाउने र दवाब दिनु उपयुक्त हुने बताउनुभयो । के.सी.ले गरिबी निवारण कोषद्वारा रौतहटमा सहकारीमार्फत ठूलो पूँजि परिचालन गरिएको भन्दै त्यसलाई विपन्न बर्गको हितका लागि निरन्तर रूपमा प्रयोग गरिनु पर्ने भनाई राख्नुभयो । के.सी.ले प्रदेश सरकार तथा अन्तर्राष्ट्रिय गैरसरकारी संस्थाले प्रदेश नं. २ मा लागु गरेका क्षमता अभिबृद्धिको कार्यक्रमहरूबारे समेत जानकारी दिँदै सहकारी संस्थाहरूलाई त्यसबाट लाभ लिन आग्रह गर्नुभयो ।

कार्यक्रममा जिल्ला सल्लाहकार संघका सल्लाहकार विभु पोख्रेलले रौतहट जिल्लाको सहकारी अभयानबारे संक्षिप्त परिचय दिनुभएको थियो ।

सहकारी डबलीको ४०औं श्रृङ्खलाको सम्पादित भिडियो कार्यक्रम हरेकपल टिभिबाट असोज २७ गते मंगलबार प्रसारण हुनेछ ।


प्र तिक्रिया दिनुहोस !

सम्बन्धित खबरहरु

चौथो समूहको सातौं PALM कार्यशाला सम्पन्‍न
नेफ्स्कूनले महिलाद्वारा सञ्चालित साकोसहरुका लागि चैत मसान्तसम्म निःशुल्क प्रविधि सेवा उपलब्ध गराउने
साकोस व्यवस्थापकहरुको क्षमता अभिवृद्धि तालिम (CUMCC) शुरु
अन्तर्राष्ट्रिय श्रमिक महिला दिवसको उपलक्ष्यमा एक दिने महिला गोष्ठी सम्पन्न