कास्कूनको आयोजनामा बजार प्रतिनिधिहरुको क्षमता विकास तालिम सम्पन्‍न


काठमाडौं । नेफ्स्कून-कास्कून साझेदारी कार्यक्रम अन्तर्गत आयोजित २ दिने ‘बजार प्रतिनिधिहरुको क्षमता विकास तालिम’ आज सम्पन्‍न भएको छ । कास्कूनले रणनीतिक लक्ष्य अनुरुप आफ्ना सदस्य संस्थाहरुलाई विभिन्‍न किसिमका तालिमहरु प्रदान गर्दै आएको छ । जिल्ला सङ्‍घ साझेदारी कार्यक्रम अन्तर्गत कास्कूनले मझौला किसिमका तालिमहरुलाई पछिल्लो समय तीव्र रुपमा सञ्चालन गर्दै आएको छ ।

कास्कूनको आयोजना रहेको २ दिने तालिमको सहजिकरण सङ्‍घका व्यवस्थापक अरुणकुमार तिवारीले गर्नुभएको थियो । तालिममा काठमाडौं जिल्लास्थित विभिन्‍न बचत तथा ऋण सहकारीका ३४ बजार प्रतिनिधिहरुको सहभागिता थियो । आजको समापन कार्यक्रमका प्रमुख अतिथि कास्कूनका सचिव सालिकराम पुडासैनीले सहभागीहरुलाई प्रमाण-पत्र वितरण गर्दै तालिमबाट प्राप्त शिक्षालाई व्यवहारिक परिणति प्रदान गर्नुपर्ने बताउनुभयो ।

उहाँले सबै साकोसहरुले सदस्यमैत्री व्यवहार गर्ने, सदस्यहरुसँग मात्र कारोवार गर्ने, रणनीतिक व्यवसायिक योजना निर्माण गरी निर्दिष्ट योजना र लक्ष्य अनुरुप काम गर्ने र सदस्यहरुसँग नियमित सम्पर्क कायम गरी हरेक किसिमका वित्तीय र गैर वित्तीय समस्या समाधानमा प्रभावकारी भूमिका निर्वाह गर्नुपर्नेमा सहभागीहरुको ध्यानाकर्षण गराउनुभयो ।

समापन कार्यक्रम सञ्चालन कास्कून कलङ्‍की सेवा कार्यालय प्रमुख लव सिंखडाले गर्नुभएको थियो ।


प्र तिक्रिया दिनुहोस !

सम्बन्धित खबरहरु

कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन
तामाकोसी क्लष्टरको १४औं कार्यकुशलता तथा सिकाई व्यवस्थापन कार्यशाला सम्पन्न