बुडोल सामुदायिकको वार्षिकोत्सव सम्पन्‍न


बनेपा । काभ्रेको बुडोल सामुदायिक बचत तथा ऋण सहकारी संस्था लि.को २२ औँ वार्षिकोत्सव बनेपा ६, बुडोलस्थित चेतना केन्द्रमा सम्पन्न भएको छ । संस्थाका अध्यक्ष कैलाश के.सी.को सभापतित्वमा कोभिड–१९ को जोखिम मध्यजनर गरी सुरक्षाका उपायहरुसहित हिजो आयोजना गरिएको समारोहको ढाँचा विगत वर्षहरुको भन्दा फरक रहेको थियो । समारोहमा जसमा अतिथिहरुलाई आमन्त्रण गरिएको थिएन भने विविध साँस्कृतिक झाँक्रीहरुलाई पनि समावेश गरिएको थिएन । समारोहमा संस्थाका उपाध्यक्ष प्रेमनाथ शर्मा कोईरालाले स्वागत मन्तव्य राख्नुभएको थियो भने प्रमुख सल्लाहकार रामहरि के.सी.ले शुभकामना मन्तव्य राख्नुभएको थियो ।

कार्यक्रममा आ.व. ०७६।०७७ मा उत्‍कृष्‍ठ हुन सफल संस्थाका कर्मचारी, उत्कृष्ट बालबचतकर्ता, बचतकर्ता, ऋणी, शेयर खरीदकर्ता सदस्यहरु, उत्कृष्ट रक्तदाताहरु र संरक्षित पूँजी फिर्ताकोषबाट अधिकतम रकम प्राप्त गर्ने २० जना सदस्यहरुलाई समेत नगद रकम सहित सम्मान गरिएको थियो । कार्यक्रमको सञ्चालन सचिव जयराम थापाले गर्नुभएको थियो भने धन्यवाद ज्ञापन संस्थाका अध्यक्ष एवं समारोहका सभापति कैलाश के.सी.ले गर्नुभएको थियो । समारोहको अवसरमा २६ औँ रक्तदान कार्यक्रम समेत सञ्चालन गरिएको थियो ।


प्र तिक्रिया दिनुहोस !

सम्बन्धित खबरहरु

ललितपुरमा साकोसहरुबीच असल सिकाई आदानप्रदान कार्यक्रम सम्पन्न
साकोसका नगद परिचालक तथा रिसेप्सनिष्टहरुको क्षमता विकास तालिम सम्पन्न
मिलिजुली कालिञ्चोक साकोसद्वारा क्यूआर कोड सेवा सुरु
पोखरामा सहकारीको संयुक्त रक्तदान कार्यक्रमः ६२ युनिट रगत संकलन