साकोस सञ्जाल एवम् नेफ्स्कूनको सम्बन्धमा अन्तरक्रिया


काठमाडौं । नेफ्स्कूनले आज साकोस सञ्जाल एवम् संघको सेवा तथा व्यवसायहरु सम्बन्धमा काठमाडौंको सतुंगलमा अन्तरक्रिया कार्यक्रम आयोजना गरेको छ । नेफ्स्कून कलंकी फिल्ड कार्यालयको अग्रसरतामा भएको कार्यक्रममा कलंकी र आसपासका क्षेत्रका करिब २६ साकोसका ३५ जनाको प्रतिनिधित्व रहेको थियो । कार्यक्रमका सहभागीहरुले नेफ्स्कूनसँग आफुहरुले निरन्तर सेवा व्यवसाय गरिरहेको भन्दै सम्बन्ध थप मजभूत बनाउन प्रविधिकरणमा विशेष जोड दिनुपर्ने आवश्यकता औंल्याउनुभयो । सहभागीहरुले स्थिरीकरण कोष, सदस्यता, तालिम तथा शिक्षा, प्रविधिकरण आदिका विषयमा विभिन्न जिज्ञासाहरु राख्नुभएको थियो ।

कार्यक्रममा नेफ्स्कून कलंकी फिल्ड कार्यालय व्यवस्थापन उपसमिति संयोजक एवम् संघका सञ्चालक सदस्य जनक कार्की तथा सदस्यहरु नारायण महर्जन, सुर्य महर्जन, लेमन श्रेष्ठको उपस्थिति थियो । संयोजक खत्रीले सदस्यहरुको इच्छा र अपेक्षालाई केन्द्रमा राखेर नेफ्स्कूनले आफ्ना सेवा व्यवसायहरु सञ्चालन गर्नेमा सहभागीहरुलाई आश्‍वस्‍त तुल्याउनुभएको थियो ।

सदस्यहरुको जिज्ञासा सम्बोधन गर्दै नेफ्स्कूनका कामु प्रमुख कार्यकारी अधिकृत प्रकाशप्रसाद पोखरेल, सदस्य सेवा विभाग प्रमुख दुर्गाप्रसाद ढकाल र व्यवसाय विभाग प्रमुख राधेश्याम श्रेष्ठले प्रविधिकरणमा नेफ्स्कूनले विशेष जोड दिएको भन्दै विविध सेवा र योजनाका बारेमा पनि जानकारी गराउनुभएको संघको कलंकी फिल्ड कार्यालय इन्चार्ज अस्मिता अधिकारीले बताउनुभयो ।


प्र तिक्रिया दिनुहोस !

सम्बन्धित खबरहरु

ललितपुरमा साकोसहरुबीच असल सिकाई आदानप्रदान कार्यक्रम सम्पन्न
साकोसका नगद परिचालक तथा रिसेप्सनिष्टहरुको क्षमता विकास तालिम सम्पन्न
मिलिजुली कालिञ्चोक साकोसद्वारा क्यूआर कोड सेवा सुरु
पोखरामा सहकारीको संयुक्त रक्तदान कार्यक्रमः ६२ युनिट रगत संकलन