सितापाईलाले सुरु गर्यो क्यूआर कोड सेवा


काठमाडौं। सीतापाईला स्थित सितापाईला बहुउद्देश्यीय सहकारी संस्थाले नगद रहित कारोवार सुरुवात गरेको छ । संस्थाको २२ औं स्थापना दिवसको अवसरमा आयोजित कार्यक्रममा क्यूआर कोड सेवा शुभारम्भ गरिएको हो । सदस्यलाई प्रविधिमैत्री बनाउँदै सदस्यलाई नगद रहित कारोवारमा प्रोत्साहित गर्ने हेतुले क्यूआर कोड सेवा सुरु गरिएको संस्थाका अध्यक्ष केदार मानन्धरले बताउनुभयो । कार्यक्रममा संस्थाका सदस्यहरुले सञ्चालन गरेका हरेक सानाठूला व्यवसायहरू तरकारी पसल, चिया पसल, औषधि पसल, फलफूल पसललगायतका व्यवसायहरुमा क्यूआर कोडमार्फत भुक्तानी गर्न सकिने व्यवस्था मिलाएको जानकारी गराउनुभएको छ ।

ती पसलहरुमा सामान खरीद गर्दा ग्राहकले मोवाइलमार्फत क्यूआर कोड स्क्यान गरी रकम भुक्तानी गर्न सक्ने व्यवस्था संस्थाले मिलाएको छ । डिजिटल प्रविधि मार्फत मिनि स्टेटमेण्ट , मोवाइलमा टपअप, यूटिलिटि बिल भुक्तानी, हवाई टिकट बुकिङ्ग आदि सेवाका लागि संस्थाले यस अघि नै मोवाइलमा एप्स प्रयोग गर्ने जानकारी अध्यक्ष मानन्धरले बताउनुभयो । संस्थाले सदस्यको पसल पसलमा क्यूआर कोर्ड वितरण गर्ने योजना रहेको मानन्धरले जानकारी दिनुभयो ।


प्र तिक्रिया दिनुहोस !

सम्बन्धित खबरहरु

ललितपुरमा साकोसहरुबीच असल सिकाई आदानप्रदान कार्यक्रम सम्पन्न
साकोसका नगद परिचालक तथा रिसेप्सनिष्टहरुको क्षमता विकास तालिम सम्पन्न
मिलिजुली कालिञ्चोक साकोसद्वारा क्यूआर कोड सेवा सुरु
पोखरामा सहकारीको संयुक्त रक्तदान कार्यक्रमः ६२ युनिट रगत संकलन