‘नेतृत्वमा ३३.५ प्रतिशत महिला पहुँच सुनिश्चित गरिएको छ’


आरती पौडेल, मन्त्री
भूमि व्यवस्था, कृषि तथा सहकारी मन्त्रालय, लुम्बिनी प्रदेश

लुम्बिनी प्रदेशमा सहकारीको सकारात्मक प्रभाव छ, प्रतिस्पर्धात्मक तवरले अभियान अघि बढिरहेको छ । वित्तीय अनुशासनका क्षेत्रमा विद्यमान कमी कमजोरीहरुलाई सुधार्न सकिने सम्भावना छ । सदस्य केन्द्रीयताको हकमा अझै व्यापक जनमा सहकारीप्रति स्वामित्व र अपनत्व भाव जगाउन जरुरी छ । सहकारी स्थापनाको अवस्थाको उद्देश्यबाट पछि बिमुख हुँदै नाफामुखी हुँदा चुनौती पक्कै छ । लुम्बिनी प्रदेशको पहाडी जिल्लाहरुमा कम जनसंख्या, भौगोलिक विकटता र कम आर्थिक गतिविधिका कारण अभियान कमजोर पाइन्छ भने तराईमा तुलनात्मक रुपमा प्रबल संभावना हुँदाहँुदै विश्वासको संकटको चुनौती छ ।

सहकारी एकीकरणका लागि मन्त्रालयले सहजीकरण गर्ने देखि प्रविधिमैत्री बनाउन तालिम र सहकारी व्यावसायमा सझेदारी गर्दैछ । सहकारीमा महिला मैत्री नियम लुम्बिनी प्रदेशमा कडाइपूर्वक लागू गरिएको छ । संघीय सहकारी ऐनमा सम्भव भएसम्म महिला सहभागिताको कुरा गरिएपनि लुम्बिनीमा अनिवार्य प्रमुख पदहरु सहित ३३.५ प्रतिशत पहुँच सुनिश्चित गरिएको छ । यस प्रदेशमा सहकारीमा आबद्ध महिलाहरुलाई सकारात्मक विभेदको नीति अवलम्बन गरिएको छ । महिलाको हकमा सबैमा ७५ प्रतिशत आर्थिक सशक्तीकरण हँुदा नै महिला सशक्तीकरणको आधार तयार हुने मान्यता हाम्रो छ ।

अन्तर्राष्ट्रिय नारी दिवस महिलाहरुको लामो र कठिन संघर्ष पछि समान कामको समान ज्याला लगायतका विषयमा बिजय प्राप्त गरेको दिनको सम्झना र सम्मान स्वरुप मनाइने दिवस हो । यसबाट बर्षभर समानताका लागि गरिएका कामको समीक्षा र भविष्यको योजना बनाएर अगाडि बढ्न संकल्प गर्ने दिनको रूपमा मनाउने प्रेरणा सबै महिला दिदीबहिनीहरुलाई मिलोस्, हार्दिक शुभकामना ।


प्र तिक्रिया दिनुहोस !

सम्बन्धित खबरहरु

सञ्‍चालक र कर्मचारीहरुको क्षमता अभिवृद्धि तालिम
प्रबल जनसेवा श्री पदकबाट राष्ट्रिय सहकारी महासंघका सहकारीकर्मीहरु विभूषित
सहकारी अभियानका शीर्ष व्यक्तित्वलाई सम्मान घोषणा
सहकारी अध्ययन अवलोकनमा सिवाईसी साकोस