बाग्मती प्रदेश सहकारी विकास वोर्डमा तीन सदस्य मनोनयन


काठमाडौं । बाग्मती प्रदेश सरकारको आज बसेको मन्त्रीस्तरीय बैठकले बाग्मती प्रदेश सहकारी विकास बोर्डमा तीन सदस्य मनोनयन गरेको छ । नेपाल बचत तथा ऋण केन्द्रीय सहकारी संघ लि. नेफ्स्कूनकी उपाध्यक्ष शान्ती अधिकारी, धादिङ जिल्ला बचत संघकी उपाध्यक्ष सीता दुवाडी र सहकारीकर्मी गोविन्द दुलाललाई मनोनित गरेको बाग्मती प्रदेश सहकारी विभागका रजिष्ट्रार विक्रम पाण्डेले जानकारी गराउनुभएको थियो । सहकारी क्षेत्रको विकास र प्रवर्धन साथै सहकारी क्षेत्र सँग सम्बन्धित सम्पूर्ण काम कारबाहि अगाडि बढाउने उद्देश्यसहित बोर्ड गठनको प्रक्रिया सुरु भएको र चितवन, धादिङ र दोलखाका सहकारीकर्मीहरुलाई सदस्यमा मनोनयन गरिएको उहाँले बताउनुभएको थियो ।

सहकारी विकास बोर्डमा भूमि व्यवस्था, कृषि तथा सहकारी मन्त्री अध्यक्ष, एक कार्यकारी उपाध्यक्ष, दुई महिला सदस्य सहित एक पुरुष सदस्य गरी ५ सदस्यीय बोर्ड गठनको व्यवस्था रहेको छ । त्यसैगरी मकवानपुरको हेटौडामा सहकारी विकास बोर्डको कार्यालय समेत स्थापना भइसकेको रजिष्ट्रार पाण्डेले जानकारी गराउनुभएको थियो ।


प्र तिक्रिया दिनुहोस !

सम्बन्धित खबरहरु

नयाँ निर्देशन जारी गर्ने अन्तिम तयारीमा विभाग
उच्चस्तरीय पर्ल्स अनुगमन प्रणाली तालिम सञ्चालन
ललितपुरमा साकोसहरुबीच असल सिकाई आदानप्रदान कार्यक्रम सम्पन्न
साकोसका नगद परिचालक तथा रिसेप्सनिष्टहरुको क्षमता विकास तालिम सम्पन्न