वित्तीय व्यवस्थापन तालिम सम्पन्‍न


सिन्धुली । जिल्ला बचत तथा ऋण सहकारी संघ लि. सिन्धुलीको आयोजना तथा नेफस्कूनको प्राविधिक सहयोगमा सिन्धुलीमाढीमा ३ दिने वित्तीय व्यवस्थापन तालिम सम्पन्न भएको थियो । सहकारी संस्थाहरुको सम्पती र पुजी तथा दायित्वलाई कुशलतापुर्वक व्‍यवस्थापन गर्ने ज्ञान र सीप सञ्‍चालक तथा कर्मचारीहरुलाई उपलब्ध गराई संस्थालाई अझ सुरक्षित र सक्षम बनाउने उद्देश्यले आयोजित तालिम भई समापन भएको थियो । उक्‍त तालिममा १३ वटा सहकारीहरुको सहभागिता रहेको थियो । नेफस्कूनका कार्यक्रम अधिकृत बिदुर खड्काले सहजीकरण गर्नुभएको तालिमको सैद्धान्तिक र प्रयोगात्मक कक्षाहरू प्रभावकारी रुपमा सञ्चालन गरिएको थियो भने सहकारी संस्थाहरुलाई व्यवस्थित गर्न तालिमबाट प्राप्त ज्ञान र सीप अति उपयोगी हुने भन्दै तालिम प्रभावकारी भएको सिद्धबाबा साकोस रातमाटाका कोषाध्यक्ष कौशिला थापाले बताउनुभएको थियो ।

जिल्ला बचत तथा ऋण सहकारी संघ सिन्धुलीका कोषाध्यक्ष कृष्णहरि कोइरालाको अध्यक्षतामा सम्पन्न समापन सत्रमा मन्तव्य राख्दै उहाँले तालिमबाट प्राप्त ज्ञान संस्थाको कुशलतापूर्वक वित्तीय व्‍यवस्थापन गर्न र कमजोरीहरु सुधार्न उपयोगी हुने बताउनुभएको थियो । बचत संघका सञ्‍चालक गोकर्णप्रसाद सुबेदीको समेत उपस्थिति रहेको समापन सत्रको सञ्चालन संघका फिल्ड कार्यक्रम अधिकृत शारदाप्रसाद पहाडीले गर्नुभएको थियो ।

 


प्र तिक्रिया दिनुहोस !

सम्बन्धित खबरहरु

नयाँ निर्देशन जारी गर्ने अन्तिम तयारीमा विभाग
उच्चस्तरीय पर्ल्स अनुगमन प्रणाली तालिम सञ्चालन
ललितपुरमा साकोसहरुबीच असल सिकाई आदानप्रदान कार्यक्रम सम्पन्न
साकोसका नगद परिचालक तथा रिसेप्सनिष्टहरुको क्षमता विकास तालिम सम्पन्न