गैँडाकोटमा किसान मार्टको उद्घाटन


नवलपुर । किसान उपभोक्ता सहकारी संस्था लिमिटेडले गैंडाकोट ४ मा सञ्चालनमा ल्याएको किसान मार्टको औपचारिक उद्घाटन भएको थियो । कार्यक्रमका प्रमुख अतिथि मुख्यमन्त्री पोख्रेरेलले किसान मार्टको थालनी र अबको एक डेढ वर्षभित्रमै दुम्कीबाससम्म मुख्य मुख्य ठाउँमा मार्ट बिस्तार गर्दै चितवततिर पनि लाने तयारी रहेको जानकारी पाउँदा खुसी लागेको बताउँदै अभियान सफलताको कामना गर्नुभएको थियो । किसान मार्टको सुरुवात प्रदेशकै लागि उदाहरणीय भएको मुख्य मन्त्रीले बताउनुभयो । किसान बचत तथा ऋण सहकारी संस्था लिमिटेडको प्रवर्धनमा किसान उपभोक्ता सहकारी संस्था लिमिटेडले मार्ट सञ्चालन गरेको थियो । ४ हजार वर्ग फिट क्षेत्रफलमा फैलिएको किसान मार्ट विधिवत् सञ्चालनमा आएसँगै स्थानीय उत्पादनहरुको प्रवर्धन र बजारीकरणका साथै उपभोक्ताहरुलाई सुपथ मुल्यमा गुणस्तरीय सामान उपलब्ध हुने दाबी किसान साकोसका निवर्तमान अध्यक्ष एवम् किसान उपभोक्ता सहकारीका लेखा समिति संयोजक गोपालप्रसाद गौतमले गर्नुभएको थियो ।

किसान उपभोक्ता सहकारीका लेखा समिति संयोजक गौतमले मार्ट परियोजनामार्फत कुल ५० जनाले प्रत्यक्ष रोजगारी पाउनेछन् जसमध्ये अहिले सञ्चालन भएको मार्टमा मात्र १२ जना कार्यरत छन् । विशेषगरी गैंडाकोट नगरपालिका– १, २, ३ र ४ तथा अन्य वडाबासीहरुको सुविधालाई ध्यानमा राखी ६ करोड रुपैयाँ लगानीको किसान मार्ट सञ्चालन गरिएको उहाँले बताउनुभएको थियो । यसको मुख्य उद्देश्य नै किसान साकोस र किसान उपभोक्ता सहकारीका कृषि तथा उद्यमी सदस्यहरुका उत्पादनको प्रवर्धन तथा बजारीकरणमा सहयोग हो र सहकारीका सदस्यहरुलाई सबै खाले आवश्यक सेवा दिन यो प्रयास थालनी गरिएको थियो । उपभोक्ता सहकारीको भूमिकालाई स्थापित गर्न मार्ट सञ्चालन गरिएको भन्दै गौतमले स्थानीयबासीहरुको पनि यसमा साथ सहयोग रहनेमा आफु तथा संस्था विश्वस्त रहेको दाबी गर्नुभएको थियो ।

उहाँले महिला उद्यमीले उत्पादन गरेका वस्तु तथा सेवाको बजारीकरण र अर्गानिक खाद्य वस्तुको प्याकेजिङ गर्ने योजनासमेत सुनाउदै किसानले उत्पादन गरेका वस्तुु तथा सेवाको सहजरुपमा बजारीकरण र सहुलियत दरमा उपभोक्तालाई बिक्रीवितरण गर्नु नै मार्टको लक्ष्य रहेको उल्लेख गर्नुभएको थियो । उहाँले मार्ट सञ्चालन आफैमा चुनौतीपूर्ण काम भएपनि चुनौतीमार्फत नै सफलताका सम्भावनाहरु पहिल्याइने दाबी गर्नुभएको थियो । स्थानीय उत्पादन अदुवा बेसार, दाल, चामल, धान, मकैलगायत खाद्यान्न सामग्रीलाई प्याकेजिङ गरी गुणस्तर कायम हुने गरी मार्टमार्फत उपलब्ध गराइने र कम मुनाफा र सेवा भावले सञ्चालन गरिएको किसान मार्टलाई राष्ट्रियस्तरमा लैजाने गरी सञ्चालन गरिएको थियो ।

 

 


प्र तिक्रिया दिनुहोस !

सम्बन्धित खबरहरु

मिलिजुली कालिञ्चोक साकोसद्वारा क्यूआर कोड सेवा सुरु
पोखरामा सहकारीको संयुक्त रक्तदान कार्यक्रमः ६२ युनिट रगत संकलन
सहकारी अनुगमन प्रभावकारी बनाउन समितिद्वारा कर्मचारीहरुलाई तालिम
अमर साकोसका कर्मचारीहरुको क्षमता विकास आधारभूत तालिम सम्पन्न