जिल्ला बचत संघको बार्षिक समीक्षा सम्पन्न


भक्तपुर । जिल्ला बचत तथा ऋण सहकारी संघ लि.को बार्षिक समीक्षा कार्यक्रम संघको आफ्नै भवनमा सम्पन्न भएको थियो । संघका अध्यक्ष कृष्ण गोविन्द लाखाजुले कार्यक्रमको अध्यक्षता गर्दै सहकारी ऐनमा आफ्नो सदस्यहरुलाई ऋण प्रवाह गर्दा राखिने धित्तोमा कुनै शुल्क नलाग्ने भनिएता पनि हाल मालपोतमा ३० लाखसम्मको दृष्टिबन्धक रोक्का दस्तुर रु.५०० बाट रु.८,००० सम्म बृद्धि गरेकोमा राष्ट्रिय सहकारी महासंघ, नेफ्स्कून र बाग्मती प्रदेश बचत तथा ऋण सहकारी संघलाई ध्यानाकर्षण गराएको जानकारी गराउनुभएको थियो । उहाँले विषम परिस्थितिमा सहकारीलाई सरकारले उपेक्षा गरेको भन्दै सहकारीलाई सम्बोधन गर्न महासंघलाई ध्यानाकर्षण गराएको समेत बताउनुभएको थियो । संघका उपाध्यक्ष हरि बल्लले स्वागत मन्तव्य राख्दै संघले माहामारीमा संघले खेलेको भुमिकाको चर्चा गर्दै सहकारीको अभियानलाई अगाडी बढाउन एकजुट हुनुपर्ने विचार समेत व्यक्त गर्नुभएको थियो ।

संघका कोषाध्यक्ष कान्छाभक्त घजुले आ.व. २०७७।७८ को बार्षिक आर्थिक समिक्षा प्रस्तुत गर्दै उहाँले श्रोततर्फ गत बर्षको तुलनामा ६३ प्रतिशतले बृद्धि भई वासलात १ अर्व ६७ करोड ६२ लाख भएको र अनुमानमा १०८ प्रतिशतले प्रगति भएको विवरण प्रस्तुत गर्नुभएको थियो । उँहाले तरलताको वित्तिय तथा ऋण लगानी मार्फत गत बर्षको तुलनामा नाफामा ७६ प्रतिशतले बृद्धि गरी २ करोड ५३ लाख गर्न सफल भएको र संघको भवन निर्माणमा ११९ वटा संस्थाबाट १४ लाख ५९ हजार सहयोग प्राप्त भई ९२ लाख लागत इष्टिमेटमा शुरु भएको भवन निर्माण कार्य रु.७९ लाख २६ हजारको लागतमा सम्पन्न गरेको कुरा समेत बताउनुभएको थियो । संघका लेखा सुपरिवेक्षण समितिका संयोजक बालमुकुन्द उपाध्यायले विषम परिस्थितीमा पनि संघले सहकारी अभियानको लागि भुमिका खेलेकोमा खुशी व्यक्त गर्दै थप भुमिकाको लागि सुझाव समेत दिनुभएको थियो ।

सघंका व्यवस्थापक बालकृष्ण धोजुले सघंको कार्यक्रम प्रगति, सघंद्धारा आयोजित कार्यक्रमहरु, निषेध आज्ञामा आयोजित कार्यक्रमहरु, बैठक संख्या विवरण आदिको समिक्षात्मक प्रस्तुतीकरण गर्नुभएको थियोे । त्यसैगरी संघले दिदैं आएको सेवाहरु, मोबाइल एप्स सेवा,समन्वय सेवा, प्रकाशन सेवा, स्टेशनरी सेवा ,परार्मश सेवा इत्यादि कुराको समिक्षा प्रस्तुत गर्दै उहाँले विषम परिस्थीतीमा पनि संघले समय अनुसारको प्रविधिको प्रयोग गरी तालिम तथा शिक्षाको निरन्तरता दिइरहको कुरा बताउनुभएको थियो । कार्यक्रममा सञ्चालक समिति, लेखा सुपरिवेक्षण समिति, उपसमितिका सदस्य र कर्मचारीहरुको उपस्थित रहेको थियो । कार्यक्रममा उपस्थित महानुभावहरुले यस विषम परिस्थितीमा पनि संघले आर्थिक प्रगती गर्नुको साथै सदस्य संस्थाहरुको अभिभावकत्व ग्रहणमा अबल देखिएकोमा खुुशी व्यक्त गर्दै थप प्रभावकारीताका लागि सदस्य सेवा थप गर्नुपर्ने सुझावहरु राख्नुभएको थियो ।


प्र तिक्रिया दिनुहोस !

सम्बन्धित खबरहरु

१० औं वार्षिक साधारण सभा सम्पन्‍न
एभरेष्ट कृषि सहकारीको अवलोकन
सहकारीकर्मीहरुसँग नेफ्स्कूनको अन्तरक्रिया
२२ औँ वार्षिक साधारण सभा सम्पन्‍न