रणनीतिक व्यवसायिक योजना कार्यशाला सुरु


बर्दघाट–२, चिसापानी नवलपरासीस्थित हाम्रो सुपर साकोसको रणनीतिक व्यवसायिक योजना कार्यशाला सुरु भएको थियो । कार्यशालाको उद्घाटन नेफ्स्कूनका वरिष्ठ उपाध्यक्ष चन्द्रप्रसाद ढकालले गर्नुभएको थियो । उद्घाटन समारोहलाई सम्बोधन गर्दै साकोसका सल्लाहकार प्रमुख अतिथि ढकालले व्यवसायिक रणनीतिक योजनाले संस्थाको स्पष्ट मार्गचित्र तोकिने बताउँदै यसकै आधारमा संस्थागत उपलब्धिसँगै सदस्य सेवा सम्भव हुने बताउनुभएको थियो । नेफ्स्कूनका वरिष्ठ उपाध्यक्ष ढकालले संघले समेत हरेक संस्थालाई योजना अनुसार अघि बढ्न प्रेरित र सहजीकरण सहयोग गर्दै आएको धारणा समेत राख्नुभएको थियो । उहाँले नेफ्स्कूनले सञ्चालन गरेको साकोसहरुको गुणस्तर सुनिश्चितता सम्बन्धी पूर्ण तथा व्यवसायिक साकोस विकास कार्यक्रम प्रोवेसनमा आबद्ध भएका कारण पनि हाम्रो सुपर साकोसले सुशासन, इमानदारी र पारदर्शिता प्रवर्धन गर्नुपर्नेमा जोड दिनुभएको थियो ।

हाम्रो साकोसका अध्यक्ष खेमराज सुवेदीको अध्यक्षतामा आयोजित उद्घाटन कार्यक्रममा उपाध्यक्ष सावित्री दुवाडी, लगायतको उपस्थिति रहेको थियो भने कार्यक्रम सञ्चालन साकोसका सचिव बिष्णुप्रसाद बरालले गर्नुभएको थियो । त्यसैगरी कार्यक्रममा सञ्चालक समिति र व्यवस्थापन समेत गरी २७ जनाको सहभागिता रहेको थियो भने उक्त तालिम सहजीकरण नेफ्स्कूनका सदस्य सेवा विभाग प्रमुख दुर्गाप्रसाद ढकाल र कार्यक्रम अधिकृत मनोज खड्काले गर्नुभएको थियो ।

 


प्र तिक्रिया दिनुहोस !

सम्बन्धित खबरहरु

नयाँ निर्देशन जारी गर्ने अन्तिम तयारीमा विभाग
उच्चस्तरीय पर्ल्स अनुगमन प्रणाली तालिम सञ्चालन
ललितपुरमा साकोसहरुबीच असल सिकाई आदानप्रदान कार्यक्रम सम्पन्न
साकोसका नगद परिचालक तथा रिसेप्सनिष्टहरुको क्षमता विकास तालिम सम्पन्न