२८ औं वार्षिक साधारणसभा सम्पन्‍न


ललितपुर । महालक्ष्मी नगरपालिकामा रहेको कल्याणकारी बचत तथा ऋण सहकारी संस्थाको २८ औं बार्षिक साधारणसभा सम्पन्न भएको थियो । संस्थाले क्षेत्रगत रुपमा साधारणसभा शुरु गरी विधिवत रुपामा समापन गरिएको थियो । संस्थाकी अध्यक्ष देवी श्रेष्ठको सभापतित्वमा सम्पन्न सभाको महालक्ष्मी न.पा वडा-नं ८ का वडा अध्यक्ष विश्वराज श्रेष्ठको प्रमुख आतिथ्यता, वडा नं ९ का कार्यवाहक अध्यक्ष राजकुमार केसीको विशेष आतिथ्यता रहेको थियो । संस्थाले कोभिड १९ को महामारीलाई मध्यनजर गरी गोदामचौर सेवाकेन्द्र, कोटडाँडा, शंखादेवी सेवाकेन्द्र र मुख्य कार्यालय लुभुमा सदस्यहरुका लागि उपस्थिति पुस्तिका खुला गरी वार्षिक प्रतिवेदन वितरण तथा सल्लाह सुझाव संकलन गरेको थियो ।

संस्थाले सीमित व्यक्तिको उपस्थितिमा विद्युतीय माध्यमबाट सभा समापन गरेको र सभामा अध्यक्ष श्रेष्ठले २०५० सालमा २७ जना शेयरसदस्य र १३५० रुपैया शेयरपुँजी लिएर ग्वार्को पूर्वको पहिलो सहकारीको रुपमा संस्था स्थापना भएको र हालसम्म आइपुग्दा संस्थामा ६ हजार ५४२ सदस्य १ अर्ब ६९ करोड ३२ लाख कुल सम्पत्ति पुगेको सभामा उहाँले बताउनुभएको थियो ।कोभिड १९ का बीचमा समेत कुल सम्पत्ति वृद्धिको लक्ष्य १०५ प्रतिशत र ब्याज असुली ९९ प्रतिशत भई सदस्यलाई १५ प्रतिशत लाभांश दिन सक्ने भएको उहाँले उल्लेख गर्नुभएको थियो ।संस्थाले सदस्य राहत कोष, औषधी उपचार खर्च र सदस्य सुरक्षा जस्ता कार्यक्रम सञ्चालन गरी सदस्यहरुलाई भैपरी आउँदा आर्थिक सहयोग गर्दै आएको उहाँले जानकारी गराउनुभएको थियो ।

संस्थाका कोषाध्यक्ष सुधिर पौडेलले सभामा आ.व. २०७७।७८ को आर्थिक प्रतिवेदन प्रस्तुत गर्दै शेयर पुँजी १४ करोड २५ लाख शेयरपुँजी, १९ करोड ८६ लाख जगेडा कोष, १ अर्ब २० करोड ३६ लाख बचत सङ्कलन गरी १ अर्ब १७ करोड ६७ लाख ऋण लगानी गरेको बताउनुभएको थियो । संस्थाले सदस्यहरुका लागि कल्याणकारी मोबाइल एपसमेत सञ्चालनमा ल्याइसकेको र सो एपको प्रयोग गरी खाताको मौज्दात जाँच, चेकबुक माग, रकम ट्रान्सफर गर्न सकिने सुविधा प्रदान गर्दै आएको छ ।

 


प्र तिक्रिया दिनुहोस !

सम्बन्धित खबरहरु

नयाँ निर्देशन जारी गर्ने अन्तिम तयारीमा विभाग
उच्चस्तरीय पर्ल्स अनुगमन प्रणाली तालिम सञ्चालन
ललितपुरमा साकोसहरुबीच असल सिकाई आदानप्रदान कार्यक्रम सम्पन्न
साकोसका नगद परिचालक तथा रिसेप्सनिष्टहरुको क्षमता विकास तालिम सम्पन्न