सहकारीमार्फत नै कृषिको रुपान्तरण हुन्छ–अर्थमन्त्री महत


नवलपरासी,मंसिर १४ । अर्थमन्त्री रामशरण महतले सहकारीमार्फत नै कृषिको रुपान्तरण हुने बताउनुभएको छ । सहकारीमार्फत कृषिको विकास गर्न सकिने उहाँको भनाई थियो ।
बिकु बचत तथा ऋण सहकारी संस्था गैडाकोटको २५ सौं वार्षिक साधारण सभामा बोल्दैअर्थमन्त्री महतले सहकारीले नै कृषिमा देशलाई आत्मनिर्भर बनाउन सकिने बताउनुभयो । सहकारीले नेपालको गरिब र धनीबीचको खाडल घटाउन सक्ने पनि उहाँको भनाई थियो ।
‘‘कृषि क्षेत्रको व्यवसायीकरण, बजारीकरण, आधुनिकीकरणका लागि सहकारीको भूमिका बढाउन आवश्यक छ’ मन्त्री महतले भन्नुभयो । कृषि उत्पादनमा जोड दिने सहकारीलाई सरकारले विशेष सुविधा निद सक्नेसमेत बताउनुभयो । अर्थमन्त्री महतले निर्यात वृद्धिबिना कुनै पनि मुलुकको आर्थिक प्रगति नहुने भन्दै निर्यात बढाउन प गुणस्तरीय उत्पादन गर्नुपर्नेमा जोड दिनुभयो । सहकारीले सही ढंगले उत्पादन गर्न सक्यो भने कृषिजन्य सामान निर्यात गर्न सकिने उहाँको भनाई थियो ।

निर्यात बढाएपछि मात्र नेपालको अन्य मुलुकसँगको करिब ६ खर्बको व्यापारघाटा घटाउन सकिने उहाँको भनाई थियो । अर्थमन्त्री महतले बैंकिङ कारोबार नगर्ने, कृषि क्षेत्रमा काम गर्ने सहकारी संस्थालाई करबाटमुक्त गराएको बताउनुभयो । सहकारीलाई कृषिमा समाहित गर्न र कृषिको प्रवद्र्वन गर्न सहकारीलाई करछुट नीति अबलम्बन गरिएको उहाँको भनाई थियो । जलविद्युत, कृषि, पर्यटन, उद्योगमा लगानीकर्ताको आकर्षण बढेको र केही वर्षभित्र नतिजामुलक लाभ लिन सकिने उहाँको दाबी थियो । 

buku tulsi

कांग्रेस केन्द्रीय सदस्य तथा सभासद डा. सशांक कोइरालाले सीमान्तकृत बस्तीमा सहकारीले गरेका काम सबैका लागि प्रेरणाको स्रोत बनेको बताउनुभयो । बिकुले यस भेगमा उदाहरणीय काम गरेकोमा प्रसंसमा समेत गर्नुभयो ।
राष्ट्रिय सहकारी संघका अध्यक्ष केशव बडालले सहकारीलाई संसारमै कर नलगाइएको भन्दै नेपालमा पनि कर नलगाउन र लगाउँदा पनि कम लगाउनुपर्नेमा जोड दिनुभयो । नेपाल बचत तथा ऋण केन्द्रीय सहकारी (नेफ्स्कुन) का अध्यक्ष ऋषिराज घिमिरेले सहकारी संस्थाहरुमा कम कर लगाए बढी असुल हुने बताउनभुयो ।
बिकु सहकारीका अध्यक्ष हरिलाल सापकोटा अहिले करिब एक अर्ब निक्षेप परिचालन गरिरहेको र करिब १५ हजार सेयरधनीलाई सेवा पुर्यासइरहेको बताउनुभयो ।


प्र तिक्रिया दिनुहोस !

सम्बन्धित खबरहरु

आइसीए एपीको क्षेत्रीय सभा सम्पन्न
भक्तपुर बचत संघको आमदानी दोब्बर
सहकारी अभियन्ता उद्धव सापकोटालाई पुत्री शोक
सिवाईसी र कश्मिसेरा एकीकरण हुने