मनकामना साकोस बनेपाको संस्थागत विकास तालिम सुरु


सौराहा । मनकामना बचत तथा ऋण सहकारी संस्था लि. बनेपा-५ को आयोजना तथा नेपाल बचत तथा ऋण केन्द्रिय सहकारी संघको प्राविधिक सहयोगमा सञ्चालन हुने संस्थागत विकास तालिम चितवनको सौराहमा सुरु भएको थियो । उक्त संस्थाका सचिव होमनाथ ढुङ्गेलले कार्यक्रम सञ्चालन गर्नुभएको कार्यक्रमको सभापतित्व संस्थाका अध्यक्ष बालकृष्ण दाहालले गर्नुभएको थियो भने कार्यक्रममा प्रमुख आतिथ्यता नेफ्स्कूनका सदस्य सेवा विभागका प्रमुख गणेशप्रसाद तिमिल्सिनाले गर्नुभएको थियो ।

त्यसैगरी, अतिथिको रुपमा मनकामना साकोसका लेखा समिति संयोजक मोटप्रसाद सापकोटा, नेफ्स्कूनका तालिम अधिकृत सुमनराज घिमिरे र संस्थाका प्रमुख कार्यकारी अधिकृत राजकुमार दाहाल रहनुभएको थियो भने  कार्यक्रममा स्वागत मन्तव्य संस्थाका उपाध्यक्ष गोपालप्रसाद घिमिरेले राख्नुभएको थियो ।

उद्घाटन कार्यक्रममा नेफ्स्कूनका प्राचार्य गणेशप्रसाद तिमिल्सिनाले रणनीतिक योजना बनाई सफल कार्यान्वयनमा सिङ्गो  टिम लाग्दा संस्थाले ठुलै फड्को मार्ने समेत बताउँनुभएको थियो । त्यसैगरि उहाँले संस्थागत सुशाासन र सदस्यता केन्द्रियतालाई कडाईका साथ पालना गर्नुपर्ने बताउनुभएको थियो भने उक्त तालिममा मनकामना साकोसका २० जनाको सहभागिता रहेको थियो ।


प्र तिक्रिया दिनुहोस !

सम्बन्धित खबरहरु

नयाँ निर्देशन जारी गर्ने अन्तिम तयारीमा विभाग
उच्चस्तरीय पर्ल्स अनुगमन प्रणाली तालिम सञ्चालन
ललितपुरमा साकोसहरुबीच असल सिकाई आदानप्रदान कार्यक्रम सम्पन्न
साकोसका नगद परिचालक तथा रिसेप्सनिष्टहरुको क्षमता विकास तालिम सम्पन्न