कीर्तिपुरमा साकोसहरुका लागि ऋण परामर्श तालिम सञ्चालन


कीर्तिपुर । काठमाडौं बचत तथा ऋण सहकारी संघ लि. कास्कूनको आयोजना र नेफ्स्कूनको साझेदारीमा एक दिवसीय ऋण परामर्श तालिम सम्पन्न भएको थियो । कीर्तिपुरमा सञ्चालित उक्त तालिममा १७ वटा संस्थाहरुबाट २३ जनाको सहभागिता रहेको थियो भने कास्कूनका सञ्चालक एवं कीर्तिपुर सेवा कार्यालय व्यवस्थापन उपसमितिका संयोजक लेमन श्रेष्ठको अध्यक्षतामा तालिमको समापन भएको थियो ।

उक्त तालिमबाट सिकेका विषयहरु साकोस सञ्चालनका क्रममा व्यवहारमा उतार्न र सहकर्मी साथीहरुलाई पनि सिकाउन सभाध्यक्ष श्रेष्ठले आग्रह गर्नुभएको थियो भने ऋण माग गर्ने सदस्यलाई ऋणको सहि सदुपयोग गर्न उत्प्रेरित गर्ने र भुक्तानी सम्बन्धि आवश्यक र वैकल्पिक उपाय, तरिका, जानकारी दिने कार्य गर्न, ऋण मागमा पुर्नविचार गर्न समेत उहाँले सहभागीहरुलाई सुझाब दिनुभएको थियो । उक्त संस्थाबाट ऋण लगानी गर्दा २ प्रकारका मोडलहरु प्रयोगमा रहेको र जसमध्ये 5C Model साकोसको सन्दर्भमा सवै वित्तिय संस्थाले अवलम्वन गर्ने गरेको उहाँले बताउनुभएको थियो ।

बचत तथा ऋण सहकारी संस्थाले ऋण लगानीको विषयलाई उच्च प्राथमिकतामा राखेर ऋण लगानी पूर्वको ऋण परामर्श गरी पर्याप्त कागजातहरु र साक्षि जमानी सहित लगानी गर्न सचेत हुनुपर्ने धारणा राख्नुभएको थियो । त्यसैगरी सो तालिमको सहजीकरण नेफ्स्कूनका कार्यक्रम अधिकृत सन्दीपराज ढकालले गर्नुभएको थियो भने समापन समारोह संघका तालिम अधिकृत लव सिंखडाले सञ्चालन गर्नु भएको थियो ।


प्र तिक्रिया दिनुहोस !

सम्बन्धित खबरहरु

नयाँ निर्देशन जारी गर्ने अन्तिम तयारीमा विभाग
उच्चस्तरीय पर्ल्स अनुगमन प्रणाली तालिम सञ्चालन
ललितपुरमा साकोसहरुबीच असल सिकाई आदानप्रदान कार्यक्रम सम्पन्न
साकोसका नगद परिचालक तथा रिसेप्सनिष्टहरुको क्षमता विकास तालिम सम्पन्न