राष्ट्रिय सहकारी पुरस्कार २०७८ बाट घिमिरेलाई सम्मानित गरिने


ललितपुर । राष्ट्रिय सहकारी महासंघले ‘राष्ट्रिय सहकारी पुरस्कार–२०७८’ बाट वरिष्ठ सहकारी अभियन्ता विजयराज घिमिरेलाई सम्मानित गर्ने भएको छ । मुलुकको सहकारी अभियानको सर्वोच्च निकाय महासंघले ६५औं राष्ट्रिय सहकारी दिवसका अवसरमा ललितपुरमा आयोजना गरेको बिशेष कार्यक्रममा गत वर्षबाट सुरु गरेको उक्त पुरस्कार यस वर्ष घिमिरेलाई प्रदान गर्ने सार्वजनिक गरेको हो ।

राष्ट्रिय सहकारी विकास बोर्डका पूर्व सल्लाहकार बरिष्ठ अभियन्ता घिमिरे सहकारी अभियानमा सुपरिचित नाम हो । स्थापनाकालदेखि नै सञ्चालक समितिमा रहेर काम गर्नुभएका घिमिरे महासंघका पूर्व उपाध्यक्ष हुनुहुन्छ भने उहाँ जिल्ला सहकारी संघ लि. ललितपुरको पूर्व अध्यक्ष समेत हुनुहुन्छ । आज घोषित पुरस्कार अन्तर्राष्ट्रिय सहकारी दिवसको अवसरमा प्रदान गरिने महासंघले जनाएको छ ।


प्र तिक्रिया दिनुहोस !

सम्बन्धित खबरहरु

नयाँ निर्देशन जारी गर्ने अन्तिम तयारीमा विभाग
उच्चस्तरीय पर्ल्स अनुगमन प्रणाली तालिम सञ्चालन
ललितपुरमा साकोसहरुबीच असल सिकाई आदानप्रदान कार्यक्रम सम्पन्न
साकोसका नगद परिचालक तथा रिसेप्सनिष्टहरुको क्षमता विकास तालिम सम्पन्न