कालिका साना किसान सहकारीको साधारणसभा सम्पन्न


रसुुवा, मंसिर १५ । कालिका साना किसान कृषि सहकारीको प्रथम साधारणसभा सम्पन्न भएको छ । साधारण सभाले विष्णुप्रसाद पौडेलको अध्यक्षतामा नयाँ सञ्चालक समिति चयन गरेको छ ।
संस्थाको उपाध्यक्षमा सीता अधिकारी, सचिवमा हेमनाथ खतिवडा, कोषाध्यक्ष बृन्दा न्यौपाने, सदस्यहरूमा कुमारदास नेपाली, भवनाथ न्यौपाने, शिब लामिछाने, कृष्णबहादुर मोक्तान, महेन्दबहादुर न्यौपाने, रत्नप्रसाद पौडेल, भीमकुमारी ढकाल रहनुभएको छ ।
संस्थाले झण्डै ४ लाख रुपैयाँ नाफा गर्न सफल भएको छ ।संस्थाले साना किसानको आयआर्जन बढाउनका लागि पशुपालन, कृषि क्षेत्रमा लगानी गरी उनीहरूको आयमा बृद्धि गराउन विविध कार्यक्रम सञ्चालन गर्दै आएको छ ।
संस्थाका अध्यक्ष विष्ण पौडेलले प्रतिबेदन कुल आम्दानी ११ लाख १७ हजार ९ सय ४९ रुपैयाँ ९५ पैसा भएको र जस मध्येबाट कुल खर्च ७ लाख ४२ हजार ८ सय ४४ रुपैयाँ ४८ पैसा कटाई खुद नाफा ३ लाख ७५ हजार १ सय ५ रुपैयाँ ४७ पैसा नाफा आर्जन गरेको बताउनुभयो ।
कार्यक्रममा संस्थाका प्रबन्धक पूर्णप्रसाद न्यौपानेले प्रतिबेदन पेस गर्दै संस्थाले कुल १ करोड ३२ लाख ८९ हजार ८ सय ३२ रुपैयाँ बरावरको कारोबार भएको बताउँनुभयो । उहाँले सहकारी संस्था धैबुङ्ग गाविसको नौ वटै वडामा फैलिएको र ९१ वटा समूहमा ५ सय ९९ जना सदस्य मध्ये ४ सय १९ जना महिला तथा १ सय ८० जना पुरुष सेयर सदस्य रहेको पनि प्रबन्धक न्यौपानेले जानकारी दिनुभयो ।


प्र तिक्रिया दिनुहोस !

सम्बन्धित खबरहरु

नेफ्स्कून र जिल्ला बचत संघ बर्दियाबीच साझेदारी सम्झौता
पर्यटन सहकारी प्रवद्र्धन सम्‍बन्‍धी रणनैतिक योजना निर्माण
प्रारम्‍भिक साधारण सभा
सहकारी अभियन्ता योगराज पौडेलको निधन