साना सहकारीलाई आयकर छुट दिने सरकारको तयारी


काठमाडौ, मंसिर १६ । सरकारले साना सहकारीलाई आयकरमा छुट दिने भएको छ । प्रस्तावित सहकारी ऐन संशोधन गर्दै वाषिर्क एक करोड रुपैंयाँ भन्दा कम कारोबार गर्ने संहकारीलाई आयकरमा छुट दिने सरकारको तयारी छ । सहकारी संस्था, सहकारी संघ र राष्ट्रिय सहकारी बैंकलाई पूरै आयकर छुट दिने ब्यवस्थासहितको सहकारी ऐन मस्यौद(२०७१ तयार भएको सहकारी तथा गरिबी निवारण मन्त्रालयले जनाएको छ ।
प्रस्तावित ऐनको मस्यौदान ब्यवस्थापिका संसदको अर्थ समितिमा पुगेको छ ।
संशोधित ऐनमा ग्रामीण समुदायमा सञ्चालित संस्था, संघ वा बैंकलाई भने आयकर नलाग्ने उल्लेख गरिएको छ । महानगरपालिका, उपमहानगरपालिका, नगरपालिकामा संचालित संस्था संघ वा बैंकको आयमा जगेडा कोष छुट्याएपछि मात्र कर लाग्ने बनाउन थालिएको छ। त्यस्तो कर पनि अत्यन्त न्युन तोकिनुपर्ने मस्यौदामा उल्लेख गरिएको छ ।
मस्यौदाका अनुसार महानगरपालिका क्षेत्रमा संचालित संस्था, संघ वा बैंकिङ आयमा दश प्रतिशत, उपमहानगर क्षेत्रमा सञ्चालितहरुलाई सात प्रतिशत र नगरपालिका क्षेत्रमा संचालितहरुको आयमा पाँच प्रतिशत मात्र आयकर लाग्नेछ । मस्यौदाको परिच्छेद १३ को दफा ९४ मा संस्था, संघ र बैंकको सेयर लाभांश र ब्याजमा कर नै नलाग्ने ब्यवस्था गरिएको छ ।
त्यस्तै, दफा ९५ मा संस्था, संघ र बैकलाई दोहोरो सुविधा लिन पाउने उल्लेख गरिएको छ । दफा ९५ मा भनिएको छ, ‘ऐनमा उल्लेखित छुट सुविधाका अतिरिक्त प्रचलित कानून बमोजिम संस्था, संघ वा बैंकलाई प्रदान गरिएका अन्य छुट सुविधासमेत संस्था, संघ वा बैंकले उपभोग गर्न पाउनेछन् । त्यस्तै, पशुपालन, कृषि, ऊर्जा, पर्यटन, यातायात, शिक्षा, संचार, स्वास्थ्य तथा सेवा क्षेत्रमा सञ्चालित संस्था र संघलाई आयकर लाग्नेछैन ।


प्र तिक्रिया दिनुहोस !

सम्बन्धित खबरहरु

मिलिजुली कालिञ्चोक साकोसद्वारा क्यूआर कोड सेवा सुरु
पोखरामा सहकारीको संयुक्त रक्तदान कार्यक्रमः ६२ युनिट रगत संकलन
सहकारी अनुगमन प्रभावकारी बनाउन समितिद्वारा कर्मचारीहरुलाई तालिम
अमर साकोसका कर्मचारीहरुको क्षमता विकास आधारभूत तालिम सम्पन्न