सहकारीमा पल्र्स मनिटरिङ प्रविधि अपनाइने


सिमरा,मंसिर १८ । सहकारी पल्र्स, नीति, योजना र नेतृत्व विकाससम्वन्धी एक दिने अभिमुखीकरणसम्वन्धी एक दिने अभिमुखीकरण गोष्ठि आज सिमरामा आयोजना भएको छ ।

बारा जिल्ला बचत तथा ऋण सहकारी संघद्वारा आयोजित गोष्ठिको उदघाटन गर्दै नेपाल बचत तथा ऋण केन्द्रीय सहकारी संघ (नेफ्स्कून) का महासचिव परितोष पौड्यालले मुलुकभरका सहकारी क्षेत्रको विविधता, सम्भावना र जोखिमहरुलाई व्यवस्थापन गर्न सबै बचत तथा ऋण सहकारीहरुलाई एकीकृत स्वरुपमा सञ्चालन गर्ने तयारी गरिरहेको बताउनुभयो । नेफ्स्कूनले सहकारी क्षेत्रका उपलव्धि र सम्भावनाहरुलाई संस्थागत गर्दै वित्तिय अनुशासनको दायराभित्र सुशासित बनाउन भूमिका खेलिरहेको बताउदै पौड्यालले त्यसका लागि सहकारीकर्मीहरु जिम्मेवार हुनुपर्ने बताउनुभयो ।

नेफ्स्कूनका सञ्चालक कृष्ण पौडेलले बारा जिल्ला र मध्यतराईको सहकारी अभियानले समुदायमा आर्थिक चेतना र जागरण पैदा गरेको र अव गुणात्मक र नमूना सञ्चालन पद्धतिलाई स्थापित गर्न अग्रसरता जरुरी रहेको बताउनुभयो । बचत तथा ऋण सहकारीले समुदायको जीवनपद्धति सुधार र आत्मनिर्भर अर्थतन्त्र विकासका लागि भूमिका खेल्नुपर्ने बताउदै पौडेलले सदस्यहरुवीच उद्यम र उत्पादनमा आधारित बनाउन ध्यान दिनुपर्ने बताउनुभयो ।

गोष्ठिमा बोल्दै नेफ्स्कूनका सञ्चालक दीपक पनेरुले सहकारीहरुले स्थानीय तहमा कृषि उद्यम र व्यवसायको प्रवद्र्धन गर्न जिम्मेवार हुनुपर्ने बताउनुभयो । अहिले सहकारी क्षेत्रमा देखिएका विकृति र जोखिमहरुको अन्त्य गर्न नेफ्स्कूनले प्रस्तुत गरिरहेको नीति र कार्यक्रमहरुमा सक्रिय सहभागी हुन पनेरुले आग्रह गर्नुभयो ।

बारा जिल्ला बचत तथा ऋण सहकारी संघका अध्यक्ष भोला गौतमको अध्यक्षतामा सम्पन्न कार्यक्रमको सहजीकरण लेखा संयोजक शालिकराम अधिकारी र स्वागत कोषाध्यक्ष अनिता अधिकारी लम्सालले गर्नुभएको थियो ।

गोष्ठिमा ४० बचत तथा ऋण सहकारी संस्थाका ६५ पदाधिकारीहरुको सहभागिता रहेको छ । गोष्ठिले सहकारीहरुलाई क्षमता अभिवृद्धि र वित्तिय जोखिमरहित बनाउन सहयोग पुग्ने संघका उपाध्यक्ष शम्भु रामले बताउनुभयो ।


प्र तिक्रिया दिनुहोस !

सम्बन्धित खबरहरु

आइसीए एपीको क्षेत्रीय सभा सम्पन्न
भक्तपुर बचत संघको आमदानी दोब्बर
सहकारी अभियन्ता उद्धव सापकोटालाई पुत्री शोक
सिवाईसी र कश्मिसेरा एकीकरण हुने