पब्लिक भिजन सहकारीमा नयाँ नेतृत्व


म्याग्दी, मंसिर १९ । म्याग्दीको बेनीमा रहेको पब्लिक भिजन केवल नेर्टवक सञ्चार सहकारी संस्थाको छैटौ बार्षिक साधारण तथा तेस्रो अधिवेशनले नयाँ नेतृत्व चयन गरेको छ ।
साधारणसभाले टंक हमालको अध्यक्षतामा आगमी तिन वर्षका लागि नयाँ सञ्चालक समिति निर्वाचित गरेको हो। समितिको उपाध्यक्षमा लक्षमण शर्मा, सचिव ध्रुवराज कार्की, कोषाध्यक्ष विनोद केसी , र सहसचिव हरी प्रसाद पौडेल निर्वाचित हुनुभएको छ । समितिको सदस्यहरुमा भेषबहादुर बानियाँ,गोविन्द बानियाँ भुनु तिलिजा, देवी कुमारी आचार्य, अणबहादुर खड्का९भगवान०, दिनानाथ रेग्मी र हरीकृष्ण गौतम रहेका छन् । यसै गरी जमुना आचार्यको संयजकोत्वमा गठिन लेखा समितिमा तेजेन्द्र कार्की र विरवहादुर थापा रहनुभएको छ । सभाले २० प्रतिशत बोनस वितरण पारित गरेको सहकारीका प्रवन्धक नवराज पौडेलले जानकारी दिनुभयो ।
‘छोटो समयमै राम्रो मुनाफा दिन सफल भएको आगामी बर्ष गुणस्तरिय सेवासँगै मुनाफा समेत बृद्धि गर्ने नव निर्वाचित अध्यक्ष टकं हमालले भन्नुभयो । २०६५ सालमा स्थापना भई टिभी केबुल सञ्चालन गरिरहेको सहकारीमार्फत राहुघाट, म्याग्दी, कालिगण्डकी र पर्वत क्षेत्रमा ३ हजार २१ रहेको छ । हिमाली जिल्ला मुस्ताङमा समेत सेवा विस्तार गरेको सहकारीले विद्युतिकरण भएका गाविसलाई प्राथमिकतामा राखेको सहकारीका उपाध्यक्ष लक्ष्मण शर्माले बताउनुभयो ।
‘संस्थागत विकासमा अगाडी बढिरहेका छौ’ । दिनप्रति दिन सेवाग्राहीको संख्या बढिरहेको छ ।’ शर्माले भने ‘साधारण सभाको अवसरमा सेयसदस्य, सञ्चालक समितिका पदाधिकारी मार्फत गुणस्तरिय सेवा प्रदान गर्ने गरी अनुगमन, घरदैलो अभियान लगाएत सेवाग्राहीको सन्तुष्टीलाई केन्द्रित गर्ने निर्णय समेत गरेको छ ।
संस्थाका निवर्तमान अध्यक्ष मुक्ति रोकाको अध्यक्षता ,सभाषद् तथा संस्थाका सल्लाहाकार रेशम बानियाँको प्रमुख आतिथ्यता, उपाध्यक्ष डिल बहादुर बरुवालको स्वागत र सचिव लक्ष्मण शर्माको सञ्चालनमा सम्पन्न भएको थियो ।
अध्यक्ष मुक्ति रोकोले प्रगति प्रतिवेदन र कोषाध्यक्ष टंक हमालले प्रस्तुत गरेको आर्थिक प्रतिवेदन सभावाट पारित गरिएको थियो । अधिवेशनको अवसरमा संस्थाले स्थापनका कालदेखि हालसम्म कार्यरत प्रबन्धक नवराज पौडेल र मुख्य प्राविधिक थम बहादुर दर्जीलाइ सम्मान गरको छ ।


प्र तिक्रिया दिनुहोस !

सम्बन्धित खबरहरु

मिलिजुली कालिञ्चोक साकोसद्वारा क्यूआर कोड सेवा सुरु
पोखरामा सहकारीको संयुक्त रक्तदान कार्यक्रमः ६२ युनिट रगत संकलन
सहकारी अनुगमन प्रभावकारी बनाउन समितिद्वारा कर्मचारीहरुलाई तालिम
अमर साकोसका कर्मचारीहरुको क्षमता विकास आधारभूत तालिम सम्पन्न