ललितपुर वचत संघको वृहत लेखा तालिम सम्पन्न


ललितपुर, मंसिर २१ । ललितपुर जिल्ला वचत तथा ऋण सहकारी संघ लि.को आयोजनामा १५ दिने सहकारी सम्बन्धि ‘‘वृहत लेखा व्यवस्थापन’’ तालिम सम्पन्न भएको छ । तालिममा ललितपुर र काठमाडौंका विभिन्न विषयगत सहकारीहरुबाट २१ जना प्रशिक्षार्थीहरुको सहभागिता रहेको थियो । सहकारी संघ संस्थाहरुको लेखा व्यवस्थापनलाई वैज्ञानिक र समय सान्दर्भिक बनाउन र लेखा प्रणालीमा एकरुपता कायम गर्नको लागि यो लेखा तालिम लक्षित थियो ।
सहकारीको आर्थिक प्रतिवेदन निर्माण, अन्तिम खाताहरुको चुस्त व्यवस्थापन, कर व्यवस्थापन, सम्पत्ति विवरण तयारी, ह्रासकट्टी, लेखा निती आदि विषयहरु समावेश गरि तालिम सञ्चालन गरिएको वचत संघका तालिम संयोजक रामशरण वस्नेतज्यूले बताउनुभयो । त्यस्तै तालिम समापनको अवसरमा बोल्दै संघका अध्यक्ष रामशरण घिमिरेले सहकारी संस्थाहरुमा हिसाब किताब सम्बन्धि समस्याहरु आउन नदिन लेखापालनको सहि र उचित व्यवस्थापनमा ध्यान दिनुपर्ने कुरा औल्याउँदै तालिममा सिकेका कुरालाई साँच्चै व्यवहारमा उतार्नको लागि सहभागिहरुलाई सुझाव दिनुभयो ।
तालिममा सहभागी अधिकांश प्रशिक्षार्थीहरुले यस तालिमबाट आफूले संस्थाको हिसाब किताबहरु सही ढंगबाट राख्न सकिने र आन्तरिक लेखापरीक्षणको लागि सहयोगी हुने अपेक्षा गरेका छन् । वचत ऋण सहकारीका अतिरिक्त सबै विषयगत संघ संस्थाहरुलाई लक्षित गरि यो तालिम आयोजना गरिएको हो । यस तालिमलाई प्रशिक्षकहरु बद्रि गुरागाईं, अनिलविर बज्राचार्य र बल्लभ तिमल्सिनाले सहजीकरण गर्नुभएको थियो ।


प्र तिक्रिया दिनुहोस !

सम्बन्धित खबरहरु

मिलिजुली कालिञ्चोक साकोसद्वारा क्यूआर कोड सेवा सुरु
पोखरामा सहकारीको संयुक्त रक्तदान कार्यक्रमः ६२ युनिट रगत संकलन
सहकारी अनुगमन प्रभावकारी बनाउन समितिद्वारा कर्मचारीहरुलाई तालिम
अमर साकोसका कर्मचारीहरुको क्षमता विकास आधारभूत तालिम सम्पन्न