अनमोल सहकारी संस्थाको चौथो साधारणसभा


पर्सा १ मंसिर- वीरगञ्ज स्थित अनमोल बचत तथा ऋण सहकारी संस्थाको चौथो साधारणसभा सम्पन्न भएको छ । सभाको उदघाटन गर्दै नेपाल बचत तथा ऋण केन्द्रीय सहकारी संघ लिमिटेड (नेफ्स्कून)का सञ्चालक कृष्ण पौडेलले सहकारीको व्याजदर र सञ्चालन प्रणालीमा देखिएको अनेकता र जोखिम व्यवस्थापनलाई नेफ्स्कूनले प्रभावकारी बनाउन लागेको बताए । गांऊका सहकारीभन्दा शहरका सहकारीहरुमा बढी समस्या रहेको समेत उनको भनाई थियो ।

कार्यक्रममा पर्सा जिल्ला बचत तथा ऋण सहकारी संघका अध्यक्ष राजेश पण्डित, मेघा बैंकका शाखा प्रवन्धक अमरदेव ओजस्वी उपाध्याय, राष्ट्रिय सहकारी बैंक वीरगञ्जका प्रमुख युवराज त्रिपाठीलगायतले आफ्नो धारणा राखेका थिए । कार्यक्रममा संस्थाका जेष्ठ सदस्य र उत्कृष्ट कारोवारकर्ताहरुलाई सम्मान समेत गरिएको थियो ।

संस्थाका अध्यक्ष ईस्लामी अन्सारी को अध्यक्षतामा सम्पन्न वार्षिक साधारणसभाको सञ्चालन मन्दिरा कार्कीले गरेका थिए । कार्यक्रममा संस्थाका व्यवस्थापक साविर अलीले प्रस्तुत गरेको प्रतिवेदन सुझावसहित पारीत गरेको छ । संस्थामा विशेषतः मुश्लिम समुदायका महिलाहरुको बढी सहभागिता रहेको र छ सय सदस्यहरुवीच करीव चालीस लाखको कारोवार गरिरहेको छ ।


प्र तिक्रिया दिनुहोस !

सम्बन्धित खबरहरु

मिलिजुली कालिञ्चोक साकोसद्वारा क्यूआर कोड सेवा सुरु
पोखरामा सहकारीको संयुक्त रक्तदान कार्यक्रमः ६२ युनिट रगत संकलन
सहकारी अनुगमन प्रभावकारी बनाउन समितिद्वारा कर्मचारीहरुलाई तालिम
अमर साकोसका कर्मचारीहरुको क्षमता विकास आधारभूत तालिम सम्पन्न