सहकारीले स्कुल संचालन गर्ने


बारा १ मंसिर- बाराको गढीमाई नगरपालिकाको सिमरामा संचालनमा रहेको हातेमालो बचत तथा ऋण सहकारी संस्थाले विषय विविधीकरण गर्दै शिक्षा क्षेत्रमा अघि बढने निर्णय गरेको छ । संस्थाका अध्यक्ष कृष्ण पौडेलको अध्यक्षतामा बसेको सञ्चालक समितिको वैठकले संस्था र सदस्यहरुको लगानीमा

सिमरामा “हातेमालो सामुदायिक सहकारी शिक्षा सदन” नामक शैक्षिक संस्था स्थापना गरी न्युनतम शुल्कमा गुणस्तरीय शिक्षा उपलव्ध गराउने तयारीलाई अघि बढाउने निर्णय गरेको छ । शैक्षिक संस्थाको अवधारणा विकास, दर्ता र आवश्यक पूर्वाधार तयारी गर्नका लागि संस्थाका अध्यक्ष कृष्ण पौडेलको संयोजकत्वमा सात सदस्यीय कार्यदल गठन गरेको छ । कार्यदलमा ईद्रिस मियां, सञ्जय साह, दिपक भट्ट, सुशिला आचार्य, बरुण गौतम र महेश ढुंगेल रहेका छन । त्यसैगरी संस्थाले सञ्चालकहरुको कार्यविभाजनसमेत गरेको छ । संस्थाका अध्यक्ष पौडेललाई भवन तथा भौतिक पूर्वाधार, उपाध्यक्ष विनोद कलवारलाई सुपथ मूल्यको सहकारी पसल, उपाध्यक्ष सीता गुरुङलाई प्रोवेशन र एक्सेस तयारी, सचिव यज्ञ आलेलाई कर्जा लगानी, कोषाध्यक्ष शिव वाग्लेलाई लघुवित्त, सञ्चालकहरु ईद्रिस मियांलाई शिक्षा तथा तालीम, सञ्जय साहलाई सदस्य सेवा, पेशल मुल्मीलाई लक्षित समुदाय, दिपक भट्टलाई प्रोवेशन र एक्सेस, सुशिला आचार्यलाई लघुव्यवसाय, क्षमादेवी अधिकारीलाई बचत, बरुण गौतमलाई सामाजिक सेवा र बिदुर घिमिरेलाई युवा उपसमितिको जिम्मेवारी दिने निर्णय गरेको छ ।साढे छ वर्षअघि स्थापना भएको हातेमालो बचत तथा ऋण सहकारी संस्थाले एक हजाज ३ सय ५० सदस्यहरुवीच १४ करोडको कारोवार गरिरहेको छ ।


प्र तिक्रिया दिनुहोस !

सम्बन्धित खबरहरु

मिलिजुली कालिञ्चोक साकोसद्वारा क्यूआर कोड सेवा सुरु
पोखरामा सहकारीको संयुक्त रक्तदान कार्यक्रमः ६२ युनिट रगत संकलन
सहकारी अनुगमन प्रभावकारी बनाउन समितिद्वारा कर्मचारीहरुलाई तालिम
अमर साकोसका कर्मचारीहरुको क्षमता विकास आधारभूत तालिम सम्पन्न