संकटमा पर्दै निर्माण उपभोक्ता सहकारी


 मकवानपुर, मंसिर २६ । यहाँको एक निर्माण उपभोक्ता सहकारी संकटमा पर्दै गएको छ । निर्माण व्यवसायीको भुक्तानी समयमै नहुदाँ निर्माण उपभोक्ता सहकारी संकटमा परेका हुन् ।

सहकारी संस्थाका सदस्य रहेका निर्माण व्यवसायीहरुले सहकारीबाट उधारोमा निर्माण सामग्री लैजाने गरेपनि सरकारले सममयै भुक्तानी नदिदाँ सहकारी समस्यामा पर्दै गएको हो । व्यवसायीहरुले आफ्नो सहकारीबाट ऋण लिने र सरकारले भुक्तानी दिएपछि मात्र ऋण तिर्ने गरेका छन् । सरकारले ढिmलोगरी भुक्तानी तिदाँ सदस्यहरुले सहकारीलाई ऋण सकेका छैनन् । सरकारी कार्यालयहरुले समयमा भुक्तानी नदिँदा सहकारीको उधारो बढेको हो । संस्थाको आर्थिक वर्ष २०७०/०७१ मा मात्रै पाउनु पर्ने हिसाब २१ लाख ४७ हजार आठसय ३६ रुपियाँ रहेको प्रतिवेदनमा उल्लेख छ ।

निर्माण सामग्रीको मूल्यमा आएको अस्थीरताका कारण व्यवसायीहरुलाई मर्का परिरहेको भन्दै सहकारी अध्यक्ष खड्ग गोपालीले गिट्टी, बालुवा, ढुंगा आपूर्तिमा आएको असहजताका कारण समस्या उत्पान्न भएको बताउनुभयो । ‘जिविसले लगाएको ठेक्काको काम गर्न ढुंगा, गिट्टी ढुवानी गर्दा जिविसले नै अवरोध गरिरहेको उहाँको भनाई छ । क्रसरजन्य उत्पादन विदेश निकासीमा रोक लगाए पनि स्थानीय उपभोगका लागि सहज बनाउनुपर्नेमा सहकारीले जोड दिएको छ । । चुरे संरक्षणको नाममा सरकारले जनतालाई घर बनाउने गिट्टी, बालुवा उपलब्धतामा समेत रोक लगाउनु गैरजिम्मेवारपूर्ण रहेको भन्दै अध्यक्ष गोपालीले ढुंगा, गिट्टी, बालुवाको आन्तरिक खपतका लागि तत्काल खुला गर्न आवश्यक बभएको बताउनुभयो ।

मकवानपुर उद्योग वाणिज्य संघका अध्यक्ष भुवनलाल श्रेष्ठले खोलाको सतह वर्षेनि बढिरहेको र स्थानीय नागरिकले घर शौचालय नै बनाउन नपाइरहेको अवस्थालाई सरकारले गम्भीररुपमा लिनुपर्ने बताउनुभयो ।


प्र तिक्रिया दिनुहोस !

सम्बन्धित खबरहरु

इन्द्रस्थानको सातौँ वार्षिक साधारण सभा सम्पन्‍न
बागमती प्रदेश सहकारी संघ ठोस कार्यक्रम सहित सक्रिय हुने
आइसीए एपीको क्षेत्रीय सभा सम्पन्न
भक्तपुर बचत संघको आमदानी दोब्बर