रिलायबलको ९ करोड निक्षेप सकंलन, ६ करोड लगानी


काठमाडौं, मंसिर २ । रिलायबल बचत तथाऋण सहकारीले संस्थाको १६ औ बार्षिकोत्सवको अवसरमा प्रभु मनीट्रन्सफरको सेवा समेत प्रदान गर्ने भएको छ । विगत तीन वर्षदेखि आफ्ना ग्राहकलाई वेष्टर्न युनियन मनीट्रान्सफर, ईन्टरनेसनल मनी एक्सप्रेस (आइएमई) को रेमिट्यान्स सेवाप्रवाह गर्दै आएको सो संस्थाले अवदेखि प्रभु मनीट्रान्सफरको पनि सेवा प्रदान गर्ने भएको हो ।
संस्थाको १६ औ बार्षिक साधारणसभाले प्रभु मनीट्रान्सफरको रेमिट्यान्स सेवा सुचारु गर्न अनुमति दिएको हो । गत आर्थिक वर्षमा ९ करोड १३ लाख ९३ हजार रुपैयाँ बचत संकलन गरी संस्थाले ६ करोड १६ लाख रुपैया ँविभिन्न क्षेत्रमा लगानी गरेको छ ।
१ करोड ११ लाख ४४ हजार शेयर पुँजी रहेकोमा आगामी बर्षमा शेयरपुँजीलाई बढाएर १ करोड १५ लाख रुपैयाँ पु¥याउने लक्ष्य राखेको संस्थाकी कार्यकारी अध्यक्ष ओमदेवी मल्लले जानकारी दिनुभयो । अध्यक्ष मल्लले सहकारीले यस वर्ष १० करोड ५० लाख निक्षेप संकलन गर्ने र ८ करोड ५० लाख ऋण प्रबाह गर्ने प्रमुख लक्ष्य रहेको बताउनुभयो ।
उहाँले बैशाखदेखि संस्थाले आफ्नै भवनबाट कारोबार गर्ने पनि बताउनुभयो । त्यसैगरी संस्थाले सञ्चालक समिति सदस्यहरुमा अस्मितत श्रेष्ठ, सुष्मामल्ल, सुनिताश्रेष्ठ र ईशारा गुरुङलाई निर्वाचित गरेको छ । संस्थाले मिलनबाबुमल्ललाई लेखा समितिमानियुक्त गरेको छ भने लेखा समिति सदस्यहरुमा पारशमणी श्रेष्ठ र शरदबाबु श्रेष्ठनिर्वाचित हुनुभएको छ ।
सो साधारणसभामा बोल्दै सहकारी बैैंकका कार्यकारी सञ्चालक एवं संस्थाका लेखा संयोजक केवी उप्रेतिले संस्थाले आफ्ना सदस्यहरुलाई स्पष्ट रुपमा प्रत्येक कामकारबाहीको जानकारी दिएको बतउनुभयो ।


प्र तिक्रिया दिनुहोस !

सम्बन्धित खबरहरु

उच्च स्तरीय पर्ल्स अनुगमन तालिम सञ्चालन
कृषि ऋणमा व्याज अनुदान सम्झौता
चमेली कल्याणकारी साकोसको १९ औं वार्षिक साधारण सभा सम्पन्न
११ औं वार्षिक साधारण सभा सम्पन्‍न