अर्थतन्त्रमा सहकारीको महत्वपूर्ण भूमिका–उपराष्ट्रपति


 विराटनगर, पुस १ । उपराष्ट्रपति परमानन्द झाले सबल अर्थतन्त्र निर्माणमा सहकारीको महत्वपूर्ण भूमिका हुने बताउनुभएको छ । सहकारीले नै आर्थिक विकासमा महत्वपूर्ण टेवा पु¥याउनसक्ने उहाँको भनाई थियो । राष्ट्रिय सहकारी बैंक लिमिटेडको ११औँ वार्षिक साधारणसभाको अवसरमा बोल्दै झाले सहकारी जनताप्रति उत्तरदायी हुन अपरिहार्य भएको बताउनुभयो । सहकारीको माध्यमबाट प्रशस्त रोजगारी सिर्जना गर्न सकिने भन्दै त्यसतर्फ भूमिका खेल्न बैंकसँग उहाँको आग्रह थियो । युवा रोजगारका लागि विदेश पलायन भइरहेकाले सहकारीमार्फत स्वरोजगारको व्यवस्था, सहज ढङ्गले निमुखा वर्गलाई ऋण उपलब्ध गराएर आत्मनिर्भर बनाउने तर्फ जोड दिनुपर्ने उहाँको भनाई थियो । उपराष्ट्रपति झाले ग्रामीण जनताले पनि आफ्नो उन्नतिका लागि सहकारीमार्फत आर्थिक क्रियाकलाप गर्ने भएकाले सहकारीलाई बढीभन्दा बढी ग्रामीणमुखी हुनुपर्नेमा जोड दिनुभयो । नेपाल राष्ट्र बैंकका गर्भनर डा युवराज खतिवडाले सामाजिक र आर्थिक क्षेत्रमा क्रान्तिकारी रुपान्तर ल्याउनमा सहकारी अगाडि बढिरहेको भए पनि राष्ट्रिय सहकारी बैंकमा अर्बौं रुपैयाँको निक्षेपको सदुपयोग हुन नसकेको बताउदै यसको कार्यदिशा स्पष्ट बनाउन छुट्टै कानुन बनाउनुपर्ने बताउनुभयो । राष्ट्रिय सहकारी सङ्घका अध्यक्ष एवम् सभासद् केशव बडालले सहकारीको दर्शन, मूल्यमान्यता विपरीत कार्य गर्ने र बढी ब्याजको प्रलोभन दिने सहकारीमा रकम जम्मा नगर्न सर्वसाधारणलाई आग्रह गर्नुभयो । राष्ट्रिय सहकारी बैंकका अध्यक्ष रमेशप्रसाद पोखरेलले प्रतिवेदन प्रस्तुत गर्दे मुलुकमा ३१ हजार सहकारी संस्थाका माध्यमबाट ३०० अर्बको कारोबार भएको र यस बैंकको सेयर पुँजी ६६ करोड पुगेको बताउनुभयो ।


प्र तिक्रिया दिनुहोस !

सम्बन्धित खबरहरु

हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन
तामाकोसी क्लष्टरको १४औं कार्यकुशलता तथा सिकाई व्यवस्थापन कार्यशाला सम्पन्न
प्रोबेसन कार्यक्रम अन्तर्गत गौरीशंकर क्लष्टरमा आबद्ध साकोसहरुबीच असल सिकाई आदान प्रदान