सहकारीम समस्या समाधान गर्न छलफल


काठमाडौं, पुस ७ । सहकारी तथा गरिबी निवारण मन्त्रालयले समस्याग्रहस्त सहकारीको समस्या समाधान गर्न छलफल भएको छ । वषौैदेखि देखिएका समस्या समाधानका लागि सरोकारावाला निकायसँग छलफल गरेको हो ।
मन्त्रालयले सहकारी विभाग, राष्ट्रिय सहकारी संघलगायत सबै सरोकारलाला निकायसँग छलफल गरेको छ ।

कार्यक्रममा बोल्दै मन्त्रालयका सचिव श्रीधर गौतमले समस्याग्रस्त सहकारी संस्थाहरुको समस्याप्रति सरकार गम्भीर रहेकोबताउनुभयो । समस्या समाधानका लागि छिट्टै निर्णय गरिने उहाँको भनाई थियो । सचिव गौतमले राष्ट्रिय सहकारी संघ तथा सहकारी अभियानलाई सरकारले तयार पारेको संशोधनसहितको नयाँ सहकारी ऐनका विषयमा विवाद नगर्न आग्रह सुझवाव दिनुभयो ।

‘राष्ट्रिय सहकारी संघ आर्थिक अनियमतिता गरेका सहकारी संस्थाहरुलाई कारबाही गर्ने पक्षमा किन डराएको छ, हाल संशोधनसहित बनेको नयाँ सहकारी ऐनमाथि थप छलफल गर्न समस्या हुन्छ ।’ उहाँले भन्नुभयो । सचिवले गौतमले संघलाई संस्थाहरुमा आर्थिक अनियमतिता गर्नेलाई कडा कानुनी कारबाही गर्ने कानुनसँग डराउन नहुने बताउनुभयो ।
सहकारी विभागका रजिष्ट्रार विष्णुहरि पौडेलले संघले छलफल नै नगरी एकोहोरो रुपमा अघि बढेको भन्दै यसले सकरात्मक परिणाम नदिने बताउनुभयो । उहाँले समस्याग्रस्त सहकारी संस्थाहरुको सम्पत्तिलाई छिटो व्यवस्थापन गर्न र ती सहकारी संस्थाबाट भइरहेको सम्पत्ति लिलामीलाई रोक्नुपर्नेमा जोड दिनुभयो।
राष्ट्रिय सहकारी संघका अध्यक्ष केशब बडालले समस्याग्रस्त सहकारी संस्थाहरुको समस्या सम्बोधनका लागि सरकारले ढिलाइ गर्न नहुने बताउनुभयो । लामो समयदेखि समस्याग्रस्त सहकारी संस्थाका निक्षेपकर्ताहरु निरन्तर रकम फिर्ताका लागि संघर्षरत रहेको उहाँको भनाई थियो ।
समस्याग्रस्त सहकारीलाई मात्रै सम्बोधन गर्ने गरी भए पनि तत्कालका लागि राहत हुने नियम लागू गर्न सकिने उहाँको आशय थियो ।
सो अवसरमा ओरेन्टल को–अपरेटिभ पीडित अमुदा श्रेष्ठले राष्ट्रिय सहकारी संघ र सरकारबीचको झमेलामा नपार्न भन्दै समस्याग्रस्त सहकारीलाई मात्रै सम्बोधन गर्ने गरी भए पनि नीति ल्याउन आवश्यक भएको बताउनुभयो ।


प्र तिक्रिया दिनुहोस !

सम्बन्धित खबरहरु

आइसीए एपीको क्षेत्रीय सभा सम्पन्न
भक्तपुर बचत संघको आमदानी दोब्बर
सहकारी अभियन्ता उद्धव सापकोटालाई पुत्री शोक
सिवाईसी र कश्मिसेरा एकीकरण हुने