कुल ग्राहस्थ उत्पादनमा सहकारीको भूमिका बढाउन जोड


काठमाडौं, पुस १३ । राष्ट्रिय सहकारी संघका अध्यक्ष केशव बडालले कुल ग्राहस्थ उत्पादनमा सहकारीको योगदान बढाउन जोड दिने बताउनुभएको छ । सहकारीमार्फत आर्थिक विकास गर्नका लागि कुल ग्राहस्थ उत्पादनमा यसको भूमिका बढाउने उहाँको भनाईै थियो ।
धौलाश्री बहुउद्देश्यीय सहकारी संस्थाको १२औँ वार्षिक साधारणसभाको अवसरमा राजधानीमा आयोजित कार्यक्रममा अध्यक्ष बडालले ‘मुलुकको आर्थिक समृद्धिका लागि सहकारीले नै ठूलो सहयोग पु¥याउन सक्ने भएकोले यो क्षेत्रमा लगानी विस्तार र व्यावसायिकता अभ्यासको आवश्यकता रहेको बताउनुभयो ।

आगामी चार वर्षभित्रमा कुल गार्हस्थ उत्पादनमा सहकारीको योगदानलाई वृद्धि गर्ने गरी सहकारी अभियानले रणनीति तय गरिएको बताउनुभयो । कृषिलगायतका उत्पादनमुखी सबै क्षेत्रमा सहकारी संस्थाहरुले लगानीलाई वृद्धि गर्न सकिने उहाँको भनाई थियो । सहहकारी क्षेत्रमा हाल ४५ लाखभन्दा बढी जनसंख्या आबद्ध रहेको र , यसलाई आगामी पाँच वर्षभित्रमा एक करोड पु¥याउने लक्ष्य सहकारी अभियानले लिएको उहाँको दाबी थियो ।
सहकारी क्षेत्रमा गुणात्मक विकास गर्नका लागि सहकारी मर्जरको नीति अख्तियार भइसकेको भन्दै बडालले सहकारी नभएका क्षेत्रमा सहकारीको पहुँच पु¥याउने र भएका सहकारीहरुलाई इच्छाअनुरुप एकीकरणको प्रक्रियामा लैजाने कार्यलाई निरन्तरता दिने बताउनुभयो । सहकारी सहमति र सहकार्यभित्र रहेर गरिने व्यवसाय भएकोले यसलाई निजी र नाफामुखीको रुपमा बुझ्नु गलत रहेको उहाँको जोड थियो ।


प्र तिक्रिया दिनुहोस !

सम्बन्धित खबरहरु

ललितपुरमा साकोसहरुबीच असल सिकाई आदानप्रदान कार्यक्रम सम्पन्न
साकोसका नगद परिचालक तथा रिसेप्सनिष्टहरुको क्षमता विकास तालिम सम्पन्न
मिलिजुली कालिञ्चोक साकोसद्वारा क्यूआर कोड सेवा सुरु
पोखरामा सहकारीको संयुक्त रक्तदान कार्यक्रमः ६२ युनिट रगत संकलन