४ देखि ९%मा निक्षेप लिन्छौ, ३% मा किसानलाई ऋण दिन्छौँ: सहकारी बैंक, मेरठ


जिल्ला सहकारी बैंक लिमिटेड, मेरठमा नेपाली टोलि र बैंक कर्मचारी विच भएको अन्तर्क्रिया

सहभगी: निक्षेपकर्तालाई व्याज पनि दिनुहुन्छ कि ?
बैंक प्रतिनिधि- वचत खातामा ४% दिन्छौँ, मुद्धतिमा ९% सम्म तर चाल्ति खातामा भने ब्याज दिँदैनौँ ।

सहभागी- तपाईहरू सदस्य संस्थासँग मात्र कारोबार गर्नुहुन्छ कि अरू व्यक्ति वा संस्थासँग पनि ?
बैंक प्रतिनिधि- हाम्रो सदस्य सहकारी समिति (प्रारम्भिक सहकारी संस्था) मात्र बन्न सक्छन्, हामी उनीहरूलाई मात्र सेयर दिन्छौँ तर हाम्रो वैंकिङ सेवा सबैको लागि खुला छ । जसले पनि यहाँ निक्षेप राख्न र वैंकका विभिन्न सेवा लिन सक्छन् तर सहुलियतपूर्ण ऋणको सुविधा हाम्रा सदस्य बनेका सहकारी समितिका सदस्यलाई मात्र हुन्छ ।

सहभागी– तपाईहरू ४ देखि ९ प्रतिशतमा निक्षेप लिनु हुन्छ, ३% मा लगानी गर्नुहुन्छ अनि ८% लाभांश बाड्यौँ भन्नुहुन्छ, यो कसरी संभव छ ?
बैंक प्रतिनिधि- हो हामीले यि सबै गरेका हौँ । ३% त सहुलियतपूर्ण ऋण हो, यसमा सरकारको अनुदान पनि छ । अनि हामी अन्य बैंकिङ सेवा पनि प्रदान गर्छौँ जसबाट हामीलाई फाईदा हुन्छ । त्यसैगरी हामीसँग भएको तरलता ठूला बैंक ब्याजदर बढाबढ गरेर राख्छौँ, त्यसबाट पनि हामीलाई फाइदा हुन्छ, यसरी समग्रमा हामी नाफा गर्छौँ र यसैबाट शेयरहोल्डरलाई लाभांश बाँड्न पुग्छ ।

Picture 004सहभागी- महिलाको स्थिति के छ यस बैंकमा ? विभिन्न तहमा महिलाहरूलाई सहभागि गराउनु भएको छ कि छैन, अन्य सुबिधा महिलाका लागि के छन् ?
बैंक प्रतिनिधि- हाम्रो सवै विभागमा एक जना महिला निर्देशक अनिवार्य गरेका छौँ र सबै तहमा महिला सहभागितालाई प्राथमिकतामा राखेका छौँ । महिलाका लागि छुट्याईएको पदमा यदि उम्मेदवारी परेन भने हामी खालि नै राखेर जान्छौँ र विचमा उपयुक्त उम्मेदवार फेला पार्छौँ तब पदपूर्ति गर्छौँ । सहुलियतको कुरा गर्नुहुन्छ भने शिक्षाको ऋणमा महिलालाई पुरूष भन्दा १% कम ब्याजदरमा कर्जा प्रवाह गरिरहेका छौँ ।

Picture 008सहभागी– तपाईका सदस्य बाहेकका व्यक्तीहरू अरू बैंकलाई छोडेर किन यो बैंकसँग कारोबार गर्न इच्छुक रहन्छन् ?
बैंक प्रतिनिधि: हामीले आधुनिक बैंकिङमा दिइने सबै सेवा दिएका छौँ र हाम्रो सेवा अन्य बैंकको तुलनामा सरल, सहज र सस्तो पनि छ । जस्तो कि लकरको सुविधा अरु बैंकले ७०० मा दिएका छन् भने हामीले ४०० मा दिएका छौँ । हामी सेवा गर्न नै बसेको हुनाले सबैले निजि बैंक भन्दा यहाँ कारोबार गर्न सहज मान्छन् ।
बैंक प्रतिनिधी- अब भन्नुस तपाईँको देशमा कस्तो सुविधा दिएको सहकारी बैंक र सहकारी संस्थाले ?
सहभागी- हाम्रोमा राष्ट्रिय सहकारी बैंक छ, त्यो देश भरको सहकारीको एउटै मात्र बैंक हो । त्यस बैंकले किसान र विपन्न वर्गको लागि सहुलियत पूर्ण ऋण पनि दिन्छ । अन्य ऋण भने केहि महँगो छ । सहकारी संस्थाले आफ्नै बचत र पूँजी परिचालन गरेर ऋण लगानी गर्छन् । आवश्यक परेको बेला बैंकले सहकारी संस्थालाई ऋण दिन्छ । हाम्रोमा भने सहकारी बैंकमा व्यक्ति सदस्य बन्ने प्रावधान छैन ।


प्र तिक्रिया दिनुहोस !

सम्बन्धित खबरहरु

नयाँ निर्देशन जारी गर्ने अन्तिम तयारीमा विभाग
उच्चस्तरीय पर्ल्स अनुगमन प्रणाली तालिम सञ्चालन
ललितपुरमा साकोसहरुबीच असल सिकाई आदानप्रदान कार्यक्रम सम्पन्न
साकोसका नगद परिचालक तथा रिसेप्सनिष्टहरुको क्षमता विकास तालिम सम्पन्न