सहकारीका महत्वकाक्षी योजना सार्वजनिक


नेपालगन्ज पुस २१ । कृष्णसार कृषि सहकारी संस्था नेपालगन्जको दोश्रो वार्षिक साधारणसभामा महत्वकांक्षी योजना सार्वजनिक गरेको छ । स्थापनाको दोश्रो वर्ष पुरा भएपछि वर्षभरि गरेको गतिविधि प्रस्तुत गर्दै सहकारीको विकासका लागि महत्वकांक्षि योजना सहित एकवर्षे कार्ययोजना अघि सारेको हो ।

सभामा आर्थिक प्रतिवेदन प्रस्तुत गर्दै सहकारीका कोषाध्यक्ष सुशिला गुरुङले सुरुवाति चरणमै सबै शेयरधनी र सदस्यहरुको सहकार्यका कारण सहकारीको उन्नति र विकासले राम्रो फड्को मारेको दावी गर्नुभयो । गुरुङले प्रस्तुत गरेको प्रतिवेदनमा हालसम्मको जम्मा वचत ३० लाख ८ हजार ३ सय ८९ रहेको प्रतिवेदन पेश गर्नुभएको छ । यस्तै संस्थाको निक्षेप फिर्ता १७ लाख ४३ हजार ८ सय २६, ऋण लगानीमा ११ लाख ७५ हजार ४ सय ८, कुल शेयरपुजी १ लाख २४ हजार, हाल सम्मको आम्दानी १ लाख ३४ हजार १ सय ४ र संस्थाको खर्चमा १ लाख १२ हजार ३ सय ३५ रहेको प्रतिवेदन उल्लेख छ ।
कृषक लक्षित कार्यक्रम सञ्चालन गर्दै आएको सहकारीले पछिल्लो समयमा कृष्णसार सहकारीले व्यवसायिक गाई पालन, तरकारी तथा फलफूल खेती, पशुपालन, सामूहिक बचत तथा सिपमूलक कार्यक्रम, जनसंख्या नियन्त्रण कार्यक्रम र आय बृद्धि कार्यक्रम समेत सञ्चालनमा ल्याउने तथा सहकारीले विपन्न परिवारका कृषकहरुलाई सुलभ रुपमा ऋण समेत प्रवाह गर्दै आएको छ । सहकारीका अध्यक्ष पुष्प मल्लले यस आर्थिक वर्षमा बचतकर्ता बढाउने, सुलभ रुपमा ऋण प्रवाह गर्ने, शेयर विक्रि बढाउने बताउनुभयो । लेखा परीक्षण प्रतिवेदन, विनियम संशोधन लगायतका कार्ययोजना समेत साधारणसभाले शनिवार पारित गरेको छ ।


प्र तिक्रिया दिनुहोस !

सम्बन्धित खबरहरु

आइसीए एपीको क्षेत्रीय सभा सम्पन्न
भक्तपुर बचत संघको आमदानी दोब्बर
सहकारी अभियन्ता उद्धव सापकोटालाई पुत्री शोक
सिवाईसी र कश्मिसेरा एकीकरण हुने