सहकारी संस्था एकीकरणमा जोड दिइने


सिमरा, पुस २६ । नेपाल राष्टञ बैंकबाट “घ” वर्गको बैंकको रुपमा स्वीकृति प्राप्त समता माइक्रोफाइनान्स वित्तिय संस्था लिमिटेड, सिमरा, बाराको प्रथम वार्षिक साधारणसभा चित्तवनको सौराहामा सम्पन्न भएको छ । वार्षिक साधारणसभाको उदघाटन बैंकका अध्यक्ष डम्मरमणि थेवे लिम्वुले गर्नु भएको थियो ।

आ. व. २०७०/०७१ मा सञ्चालनमा आएको बैंकले पहिलो वर्ष करीव २,२०० सदस्यहरुवीच चार करोड त्रिसठी लाखको कारोवार गरेको छ । चालु आर्थिक वर्षमा बैंकले छ हजार सदस्यहरुवीच १२ करोडको कारोवार पु¥याउने लक्ष्य लिएको प्रवन्ध सञ्चालक डा. मदन घिमिरेले बताउनुभयो । संस्थामा हाल ३० संस्थापकहरुको चुक्ता पूंजी एक करोड दश लाख रुपैया रहेको छ । हाल बैंकमा लगानीमा रहेको रकम पांच करोड रुपैया र सदस्यहरुको निक्षेप एक करोड रुपैया रहेको छ ।

कृषि क्षेत्रमा काम गर्नका लागि नेपाल राष्टञ बैंकले स्वीकृति प्रदान गरेको बैंकको कार्यक्षेत्र बारा जिल्लामा मात्रै रहेको छ । ग्रामिण समुदायका सीमान्तीकृत कृषक समुदायवीच उनीहरुको आयवृद्धिमार्फत जीवनस्तरमा परिवर्तन ल्याउन बैंक प्रतिवद्धतासहित क्रियाशिल छ । खेतीलाई निर्वाहमुखीबाट माथि उठाउने र व्यवसायिक बनाउने उद्धेश्यले बैंकले विभिन्न शिर्षकमा बिनाधितो समूह जमानीमा लगानी गरिरहेको छ ।

वार्षिक साधारणसभाले नियमित प्रतिवेदनहरुलाई छलफलसहित अनुमोदन गर्दै यस वर्ष संस्थापकहरुलाई अग्राधिकार शेयर जारी गरी दोव्वर बनाउने र कार्यक्षेत्र दश जिल्लामा विस्तारका लागि पहल गर्ने निर्णय गरेको संस्थापक कृष्ण पौडेलले बताउनुभयो । वार्षिक साधारणसभाले अहिलेको वित्तिय बजार र प्रतिस्पर्धा आदिलाई मध्यनजर गर्दै उद्धेश्य र कार्यक्षेत्र मिल्ने वित्तिय संस्थाहरुसंग एकीकरणको सम्भावना खोजी गरी छलफल अघि बढाउनेसमेत निर्णय गरेको छ ।


प्र तिक्रिया दिनुहोस !

सम्बन्धित खबरहरु

मिलिजुली कालिञ्चोक साकोसद्वारा क्यूआर कोड सेवा सुरु
पोखरामा सहकारीको संयुक्त रक्तदान कार्यक्रमः ६२ युनिट रगत संकलन
सहकारी अनुगमन प्रभावकारी बनाउन समितिद्वारा कर्मचारीहरुलाई तालिम
अमर साकोसका कर्मचारीहरुको क्षमता विकास आधारभूत तालिम सम्पन्न