समस्याग्रस्त सहकारीको समस्या सम्बोधन गर्न अख्तियारको ध्यानाकर्षण


काठमाडौं, पुस २६ । अख्तियार दुरुपयोग अनुसन्धान आयोगले समस्याग्रस्त सहकारीको समस्या सम्बोधन गर्न सरकारको ध्यानाकर्षण गराएको छ । सहकारीमा जम्मा गरेको रकम फिर्ता गराउनका लागि सरकारले विशेष कदम चाल्न सरकारलाई निर्देशन दिएको हो ।
ओरियण्टल लगायतका सहकारी संस्थाहरुमा सञ्चित सर्वसाधारणहरुको रकम उच्च जोखिममा परेको भन्दै अख्तियारले शुक्रबार मुख्यसचिव लीलामणि पौडेलको ध्यानाकर्षण गराएको थियो । सहकारीका विषयमा सुझाव दिए पनि कार्यान्वयन नभएपछि अख्तियारले पुनः सरकारको ध्यानाकर्षण गराएको अख्तियारका प्रेस सल्लाहकार भवानी सुवेदीले बताउनुभयो ।
पुनरावेदन अदालतका पूर्वन्यायाधीश गौरीबहादुर कार्कीको संयोजकत्वमा गठित समितिले दिएको सुझावसहितको प्रतिवेदन कार्यान्वयन गरिनुपर्ने उहाँको भनाई थियो ।
दीर्घकालीन र प्रभावकारी नीति नहुँदा सहकारी सस्थाको अनुगमन चुस्त हुन नसकेको बताउँदै सुवेदीले सर्वसाधारण नागरिकहरुको सञ्चितीको सुरक्षा प्रत्याभूति गर्न र सहकारीको उद्देश्य परिपूर्ति हुने गरी सहकारीको गठन, सञ्चालन एवं तिनको अनुगमन र नियमनलाई प्रभावकारी बनाउने सम्बन्धमा आवश्यक व्यवस्था गर्न सरकारलाई निर्देशन दिएको बताइएको छ ।


प्र तिक्रिया दिनुहोस !

सम्बन्धित खबरहरु

ललितपुरमा साकोसहरुबीच असल सिकाई आदानप्रदान कार्यक्रम सम्पन्न
साकोसका नगद परिचालक तथा रिसेप्सनिष्टहरुको क्षमता विकास तालिम सम्पन्न
मिलिजुली कालिञ्चोक साकोसद्वारा क्यूआर कोड सेवा सुरु
पोखरामा सहकारीको संयुक्त रक्तदान कार्यक्रमः ६२ युनिट रगत संकलन