सहकारीको माध्यमबाट यस्ता समस्याहरुलाई हल गर्न सकिन्छ


गोविन्द काफ्ले
संयोजक–नेशनल कोअपरेटर्स एलाईन्स क्षेत्र नम्बर ३
१ तपाई किन र कसरी प्रवेश गर्नुभयो सहकारी क्षेत्रमा ?
सुरुमा सहकारीका आधारभुत कुराहरु थाह नहुँदा नै सहकारीमा प्रवेश गरीयो । पछि काम गर्दे जाने क्रममा सहकारीका सिद्धान्त र सामाजिक, आर्थिक रुपन्तरणको लागी सहकारी कति आवश्यक छ भन्ने कुरा बुझियो । संस्था जुन हिसाबमा स्वायत्त हुनुपर्ने हो । खासमा यस क्षेत्रमा लामो समय विताइरहँदा हाम्रो जस्तो अति कम विकसित राष्ट्रको लागी सहकारी अभियान अति नै आवश्यक छ भन्ने महसुस भयो र साथसाथै आफुपनि मध्यम वर्गिय परिवारको नै भएकोले स्वयं आफैंले यस वर्गका मानिसहरुका आर्थिक कठिनाईहरुलाई महसुस गरी सहकारीको माध्यमबाट यस्ता समस्याहरुलाई हल गर्न सकिन्छ भनेर यस क्षेत्रमा प्रवेश गरीयो ।
२ वर्तमान अवस्थामा सहकारी अभियान कुन बाटोतिर अग्रसर छ ?
सहकारी क्षेत्रमा लामो समय व्यतित गरियो । यस बीचमा सहकारीमा विविध प्रवित्तीहरु देखा परे । गाउँगाउँ ,टोलटोलमा सहकारीहरु स्थापना भए । हाल सम्म आएर पैंतालिस लाखभन्दा बढी व्यति प्रत्यक्ष अप्रत्यक्ष रुपमा सहकारीमा संलग्न भएका छन् । यसलाई अभियानले नै उत्प्रेरित गरेको हो तर जुन किसिमका स्वच्छन्दताका परिकल्पना हामीले गरेका छौं त्यो हामीले पाउन सकेनौं । गुणात्मक वृद्धिभन्दा पनि संख्यात्मक वृद्धिले प्रशय पायो जस्तो लाग्छ । यसका लागि जुन किसिमको उपयुत्त ऐनको खाँचो थियो , जुन किसिमको अनुगमनको आवश्यकता थियो त्यो हामीले पाएनौं र सहकारी क्षेत्रमा केही विकृतीहरु देखा परे ।

३ तपाईको भनाईको अर्थ सहकारी ऐन २०४८ असान्र्दभिक भयो भन्न खोन्नुभएको हो ?
मेरो भनाईको मतलब त्यो होइन् । त्यही ऐनकै जगमा बसेर हामी यहाँसम्म आइपुगेका छौं । ९० प्रतिशत सहकारीहरु सफल भएकापनि छन् । तर १० प्रतिशत सहकारीमा देखिएका समस्याले गर्दा पुरा सहकारी क्षेत्र नै बदनाम भएको छ । तीनमा देखिएका समस्यालाई कसरी सम्बोधन गर्ने भन्ने विषयमा सोचिरहँदा ऐन संसोधन पनि एउटा विकल्प हो मात्र भन्न खोजेको हँ । फेरी परिवर्तन समयको पनि त माग हो नि त । समय सान्दर्भिक परिमार्जन हुनुपर्छ भन्ने मेरो भनाई हो ।
४  के छ भावी योजना , जिल्ला संघको नेतृत्वमा जान कत्तिको इच्छुक हुनुहुन्छ ?
भावी योजना त्यो केही छैन् , सहकारी अभियानमा नै लागिरहने सोचाई छ , नेतृत्व तहमा नजाने इच्छा नभएको पनि होइन् गत वर्षपनि जिल्ला वचत संघमा उठेको थिएँ झिनो मतले हारें । असफलता नै सफलताको सिढि हो भन्ने सोचेको छुु यस वर्ष पनि पक्कै उमेदवारी दिन्छु । साथीहरुले ममा क्षमता देख्नुभयो भने पक्कै जित्नेछु र सकेसम्म प्रारम्भीक संस्थामा प्रत्येक सदस्यलाई सदस्यता लिएपछि अभिमुखीकरण तालिम अनिवार्य गाराउनु पर्ने परिपाटीको विकास गराउँछु ।
५  अन्त्यमा यस सहकारी नेपाल मार्फत तपाई आम सहकारीकर्मीलाई केही भन्न चाहनुहुन्छ ?
सर्वप्रथम त यस सहकारी नेपालले मलाई आफ्ना विचार राख्न दिएकामा आभार प्रकट गर्दछु । र सम्पूर्ण सहकारीकर्मी मित्रहरुलाई म यसै पोर्टल मार्फत नाफामुखी भन्दापनि सेवामुखी सहकारीको प्रवर्दनमा लाग्नुहुन अनुरोध गर्दछु । साथसाथै सरोकारवला निकायलाई सहकारी क्षेत्रमा देखिएका समस्यालाई छिटोभन्दा छिटो सल्ट्याउन आग्रह गर्दछु । प्रस्तुतीः माधव गौतम


प्र तिक्रिया दिनुहोस !

सम्बन्धित खबरहरु

मकवानपुरमा सहकारी लक्षित बार्षिक योजना तथा बजेट निर्माण तालिम सम्पन्न
कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन