माघ १ देखी पोर्क महोत्सव


काठमाडौं, पुस २९ । बंगुर व्यवसायी संघ, नेपालको आयोजनामा १ माघदेखी राजधानीको भृकुटीमण्डपमा ‘पोर्क महोत्सव तथा दोस्रो बंगुरपालन व्यवसाय राष्ट्रिय कार्यशाला गोष्ठी’ हुने भएको छ ।
संघले सोमबार पत्रकार सम्मेलन गरी दिएको जानकारी अनुसार तीन माघसम्म चल्ने मेलाबाट मुलु्कको बंगुरपालन, बंगु्रजन्य व्यवसाय तथा पोर्कको बजारीकरण प्रवद्र्धन गर्ने उदेश्य राखिएको छ । संघ अध्यक्ष्ँ उमेशकुमार राइले पोर्क महोत्सव र कार्यशालाबाट मुलुकमा बंगुरपालनलाई व्यावसीक रुपमा अगाडी बढाउन मदत मिल्ने अपेक्षा राखेको बताए ।
‘हामीले मेला आयोजनबाट व्यवसायीक बंगुरपालनमा टेवा पुग्ने र आम नागरिकलाई बंगुरपालनको अवस्थाबारे जानकारी दिने उदेश्य राखेका छौं’ उनले भने । मुलुकको जुनसुकै क्षेत्रमा बंगुरपालन गर्न सकिने भएपनि व्यवसायिकतामा कमी देखिएको उनले बताए ।
पशु सेवा विभाग अन्तर्गतको पशु उत्पादन निर्देशनालयका कार्यक्रम निर्देशक डा. विमलकुमार निर्मलले मुलुकमा पछिल्लो समय बंगुरपालन व्यवसाय विस्तार भइरहेको बताए । सरकारी स्तरबाट पनि ३६ जिल्लमा बंगुर पालन प्रवद्र्धन कार्यक्रम भइरहेको उनले जानकारी दिए ।
संघका महासचिव डिल्ली पौडेलले पहिलो पटक आयोजना भएको महोत्सवमा बंगुरको मासुका विभिन्न परिकारको स्वाद लिन सकिने बताए । त्यस्तै एकलाखसम्म अवलोकनकर्ता आउने अपेक्षा राखेको जानकारी दिए । मेलामा ७० भन्दा बढी स्टल रहने उनले जानकारी दिए ।
‘बंगुरको मासुबाट बन्ने विभिन्न परिकारको स्टल हुनेछ’ उनले भने, ‘त्यस्तै व्यवसायीले दाना, औषधि र बंगुरपालनका लागि चाहिने सामग्री पनि प्रद्र्धशनमा राखिनेछ ।’ मेलाको दोस्रो र तेस्रो दिन कार्यशाला गोष्ठि पनि उनेछ । गोष्ठिमा दुइ सय किसान, व्यवसायी र सरकारी प्रतिनिधिको सहभागिता रहने संघले जनाएको छ ।
मुलुकभर ८५ हजार घरपरिवार बंगुरपालनमा रहेको सरकारी तथ्यांक छ । त्यसमध्ये १० प्रतिशत मात्रै व्यावसायीक बंगुर पालनमा रहेको महोत्सव मूल व्यवस्थापन समितिका सदस्य सचिव डा. प्रदिपचन्द्र भट्टराइले जानकारी दिए ।


प्र तिक्रिया दिनुहोस !

सम्बन्धित खबरहरु

मिलिजुली कालिञ्चोक साकोसद्वारा क्यूआर कोड सेवा सुरु
पोखरामा सहकारीको संयुक्त रक्तदान कार्यक्रमः ६२ युनिट रगत संकलन
सहकारी अनुगमन प्रभावकारी बनाउन समितिद्वारा कर्मचारीहरुलाई तालिम
अमर साकोसका कर्मचारीहरुको क्षमता विकास आधारभूत तालिम सम्पन्न