अनुगमन प्रभावकारी बनाउँदै छौं–रजिष्ट्रार पौडेल


काठमाडौं, माघ ४ । सहकारी विभागका रजिष्ट्रार विष्णुहरि पौडेलले सहकारी अनुगमन प्रभावकारी बनाउने बताउनु भएको छ ।
सूचना चौतारी सञ्चार सहकारी संस्था लिमिटेडको आयोजना एंव सहकारी नेपालको प्रस्तुती ‘सहकारी मेच’मा बोल्दै रजिष्ट्रार पौडेलले अनुगमन निर्देशिका परिमर्जित गरी प्रभावकारी अनुगमन गर्ने तयारी भइरहेको बताउनुभयो ।

‘सहकारीको अनुगमन नगर्दा सहकारीमा समस्या बढ्ने भएकाले हाम्रो पहिलो प्राथमिकता अनुगमन हो’ उहाँले भन्नुभयो । ५ करोड भन्दा बढी कारोबार गर्ने सहकारीलाई विभागले र पाँच करोडसम्मको कारोबार गर्ने सहकारीलाई सम्बन्धीत डिभिजन कार्यालयले अनुगमन गर्दै आएको उहाँको भनाई थियो ।

निर्देशिका परिमार्जित गरेर सहकारीको अनुगमनको दायरा फराकिलो पार्न लागिएको उहाँले बताउनुभयो । ‘हामीले गरेको अनुगमन मन्त्रालयले छड्के अनुगमन गर्ने र डिभिजनले गरेको अनुगमन विभागले छड्के अनुगमन गर्ने छ’ उहाँले भन्नुभयो । गत वर्ष पाँच सय वटा सहकारीको अनुगमन गर्ने लक्ष्य निर्धारण गरिए पनि ४ सय १८ वटा मात्र सहकारीको अनुगमन गर्न सकिएको उहाँको भनाई थियो ।
सहकारीको अनुगमन गर्न दक्ष जनशक्ती नभएकाले समस्या परेको उहाँले बताउनुभयो । ५ सय दरबन्दीमा पनि १ सय खाली भएकाले देशभर अनुगमनका लागि समस्या परेको रजिष्ट्रार पौडेलले बताउनुभयो ।
राष्ट्रिय सहकारी नीति कार्यान्वयन गर्न एक्सन प्लान बनाइरहेको जानकारी दिदैं रजिष्ट्रार पौडेलले भन्नुभयो–‘नीति आफै एक्सनमा आउँदैन्, त्यसका लागि हामीले जेआईजेटको सहयोगमा एक्सन प्लान बनाइरहेका छौं’ उहाँले भन्नुभयो ।
सहकारी ऐन २०४८ संशोधन गरेर सहकारीले उद्योग खोल्न पाउने व्यवस्था गर्न लागिएको उहाँको भनाई थियो । त्यस्तै गल्ती गर्ने सहकारीलाई कडा सजायको व्यवस्थ गरिने उहाँको भनाई छ ।
समस्याग्रस्त सहकारीको समस्या समाधानका लागि सम्पत्ति छानबिन समिति गठन गर्ने र समितिले निक्षेपकर्ताको निक्षेप फिर्ता गर्ने गरी सहकारी ऐन संशोधन गर्न लागिएको उहाँको भनाई थियो । ऐन संशोधन गरी यथार्शीघ छानबिन समिति गठन गर्न लागिएको रजिष्ट्रार पौडेलले बताउनुभयो ।


प्र तिक्रिया दिनुहोस !

सम्बन्धित खबरहरु

वित्तीय साक्षरता तालिम सम्पन्‍न
हिमचुली साकोस गोरखाको रजत महोत्सव सम्पन्न
नेफ्स्कून साकोस म्यानेजर्स क्लबले देशभर सञ्जाल विस्तार गर्ने
बचत तथा ऋण सहकारी संस्थाहरुको व्यवसायिक प्रबर्द्धन तालिम