सोलार वितरण गर्दै सहकारी


इलाम, माघ १३ । सहकारीले आफ्ना सदस्यहरुलाई सोलार वितरण गरेको छ । आफ्नो सदस्यहरुलाई उज्यालो दिने उद्देश्यले सहकारीले सोलार वितरण गरेको हो ।
पूर्वी कोल्बुङ र इरौँटारका केही वडामा एक सहकारीले आफ्ना सेवा क्षेत्रका सदस्यलाई सोलार सेट वितरण गरेको छ । इको चिया उत्पादक सहकारी संस्थाले वर्षौंदेखि टुकीको भरमा रात काट्दै आएका ३९ जना सदस्यलाई सोलार सेट प्रदान गरेको हो ।
यहाँको कतिपय वडामा विद्युत् सेवा नपुगेकाले सहकारीको अगुवाइमा सोलार उपलब्ध गराएको हो । “बत्तीमुनिको अध्याँरोजस्तै थियो तर सोलारले गाउँलेको अँध्यारोमा उज्यालो थपिदिएको छ”–संस्थाका अध्यक्ष माधव निरौलाले भन्नुभयो ।
बीस वाट क्षमताको सोलार १५ हजारमा खरिद गरेर प्रतिसेट दुई हजार सहुलियत दिई सदस्यलाई वितरण गरिएको हो । बीस वर्षसम्मको प्रत्याभूति गरेर सोलार बत्तीको व्यवस्था गरिदिएपछि स्थानीय बासिन्दा हर्षित भएका छन् । कोल्बुङ र इरौँटार गाविसका कतिपय वडामा अझै पनि विद्युत्को राष्ट्रिय प्रसारण लाइन नपुगेर टुकी बत्तीकै भरमा रात काट्न बाध्य भएका स्थानीयवासीलाई सोलारबत्तीले राहत मिलेको संस्थाले जनाएको छ ।
घरघरमा सोलारसहितको सेट सहकारीले जडान गरेपछि मोबाइल चार्ज गर्न, रेडियो सुन्नसमेत सजिलो भएको स्थानीयवासी मेघनाथ आचार्यले बताउनुभयो ।


प्र तिक्रिया दिनुहोस !

सम्बन्धित खबरहरु

बागमती प्रदेश सहकारी संघ ठोस कार्यक्रम सहित सक्रिय हुने
आइसीए एपीको क्षेत्रीय सभा सम्पन्न
भक्तपुर बचत संघको आमदानी दोब्बर
सहकारी अभियन्ता उद्धव सापकोटालाई पुत्री शोक