सहकारीले क्रिष्टल हाते ब्याग तालिम सञ्चालन गर्दै


m 2भक्तपुर, माघ १६ । महिला अभियान बचत तथा ऋण सहकारी संस्थाले महिलालाई आत्मनिर्भर बनाउने उद्देश्यले क्रिष्टल हाते ब्याग बनाउने तालिम शुरु गरेको छ ।
संस्थाको शिक्षा तथा तालिम उपसमितिको संयोजकत्व एंव घरेलु तथा साना उद्योग कार्यालय भक्तपुरको आर्थिक सहयोगमा १४ दिने क्रिष्टलको हाते व्याग बनाउने तालिमको आयोजना गरिएको हो ।
संस्थाले आफ्ना सदस्यहरुलाई सीपमुलक तालिम प्रदान गरी महिलाहरुलाई उद्यमी व्यवसायी बनाउदै महिलाहरुको आयस्तरमा वृद्धि गर्ने उद्देश्यले तालिम आयोजना गरिएको संस्थाकी अध्यक्ष सृजना शर्मा चुडालले बताउनुभयो । तालिमले उनीहरुको जीवनस्तरमा परिवर्तन ल्याउने उहाँको विश्वास छ । ‘जबसम्म महिलाहरु आर्थिक रुपले आत्मनिर्भर हुन सक्दैनन्, तबसम्म महिला शशक्तिकरणका नाराहरु नारामा मात्र सीमित हुने छन्’ उहाँले भन्नुभयो ।
म्हिला अभियान साकोसको आफ्नै हलमा संचालित सो तालिममा १२ जना सदस्यहरुको उत्साहपुर्ण सहभागीता रहेको छ । संस्थाले आफ्नै सदस्यहरुलाई सक्षम, सवल र शसक्त बनाउदै लैजाने रणनिति अनुरुप संस्थाकै सदस्य सुष्मा खतिवडालाई प्रशिक्षक बनाएको छ । m 3
संस्थाका सचिव दुर्गा संजेलले महिलालाई आत्मनिर्भर बनाउन संस्थाले आगामी दिनमा पनि विभिन्न किसिमका तालिम आयोजना गर्ने बताउनुभयो । ‘विभिन्न समयमा सदस्यहरुलाई लक्षित गरी विविध प्रकारका सीपमुलक तालिमहरु संचालन गर्ने हाम्रो ध्येय नै छ’ उहाँले भन्नुभयो ।
संस्थाका संचालक एंव शिक्षा तथा तालिम उपसमिति संयोजक गीता लामिछानेले बढी भन्दा बढी सदस्यलाई व्यवसायिक तालिम दिन संस्था क्रियाशील रहेको बताउनुभयो ।


प्र तिक्रिया दिनुहोस !

सम्बन्धित खबरहरु

नवलपुरमा कोपोमिस दाखिला तथा भाखा नाघेको ऋण व्यवस्थापन कार्यक्रम सम्पन्न
सुनसरीमा साकोसहरुबीच असल सिकाई आदान प्रदान
धनुषामा साकोसहरुका लागि वार्षिक कार्ययोजना तथा बजेट निर्माण तालिम सञ्चालन
सदस्य सम्बन्ध व्यवस्थापन तालिम सम्पन्न