शहरी क्षेत्रमा सञ्चालक मोटाए, शेयर सदस्य दुब्लाए–पौडेल


बर्दिया, माघ १९ । डिभिजन सहकारी कार्यालय बर्दियाका प्रमुख वुद्धप्रकाश पौडेलले सहकारी ऐन, विनियम र मापदण्ड समयसापेक्ष नभएकाले सहकारीका शेयर सदस्यहरुको अधिकार गुमेको र सहकारीका संचालकहरु मोटाएको बताउनुभएको छ ।
शहरी क्षेत्रका सहकारी संस्थाहरु सदस्यहरु नभई संचालकहरु मोटाउने गरेकोमा त्यसतर्फ क्रियाशील हुनुपर्नेमा उहाँको भनाई थियो ।
ऐन विपरित संचालनमा रहेका सहकारीहरुलाई नियन्त्रण गर्न निरुत्साहित पार्ने गरी जरिवाना बताउन ऐन आवश्यक भएको उहाँको भनाई थियो । तत्काल बचत तथा ऋण सहकारी ऐन निर्माण गर्न सके बचत तथा ऋण सहकारीको व्यवस्थापन गर्न सकिने उहाँले बताउनुभयो । जिल्लामा रहेका सहकारीहरुले पैसा खाएर भागे पनि व्यवस्था नहुँदा कार्यालयले केही गर्न सक्ने अधिकार नभएको उहाँले बताउनुभयो ।
सहकारी अधिकृत पौडेलले सहकारी कार्यालयलाई शसक्त बनाउन अनुगमन समितिमा रजिष्टार सहितको सहभागीतामा अनुगमन गर्ने व्यवस्था सहित प्रहरी प्रशासनलाई पनि शसक्त अधिकार दिनु पर्ने बताउनुभयो ।
बर्दियामा ८७ वटा बचत तथा ऋण, २ सय २ वटा कृषि, २० वटा उपभोक्ता गरी करिव ३ सय ४५ वटा सहकारी संस्थाहरु दर्ता भएका छन् ।
जिल्लामा रहेका सहकारी संस्थाहरु माथि अनुगमनमा तिव्रता दिईएको उहाँको भनाई थियो ।
सहकारी नियम विपरितका संस्थाहरुलाई अडित स्विकृत लगायतका सुविधा रोक्का गरिएको उहाँले बताउनुभयो।


प्र तिक्रिया दिनुहोस !

सम्बन्धित खबरहरु

नवलपुरमा कोपोमिस दाखिला तथा भाखा नाघेको ऋण व्यवस्थापन कार्यक्रम सम्पन्न
सुनसरीमा साकोसहरुबीच असल सिकाई आदान प्रदान
धनुषामा साकोसहरुका लागि वार्षिक कार्ययोजना तथा बजेट निर्माण तालिम सञ्चालन
सदस्य सम्बन्ध व्यवस्थापन तालिम सम्पन्न