दोस्रो साकोस शिखर गोष्ठी शुरु
सहकारीबिना देशले आर्थिक प्रगति गर्न सक्दैन ः उपप्रधान तथा गृहमन्त्री गौतम


काठमाडौं, २३ माघ  उपप्रधान तथा गृहमन्त्री बामदेव गौतमले सहकारीबिना देशले आर्थिक प्रगति गर्न नसक्ने बताउनुभएको छ । उदार आर्थिक नीति र राज्य नियन्त्रीत आर्थिक नीति अपनाएका देशहरु असफल भएको उल्लेख गर्दै उहाँले आर्थिक प्रगतिका लागि सहकारीलाई बलियो खम्बा बनाउनुपर्ने उल्लेख गर्नुभयो ।
नेपाल बचत तथा ऋण केन्द्रियसहकारी संघ (नेफ्स्कून) को आयोजनामा शुक्रबारबाट राजधानीमा सुरु भएको दोस्रो साकोस शिखर गोष्ठी उद्घाटन गर्दै गौतमले सहकारी बलियो भएमा राज्यले छिटो आर्थिक प्रगति गर्ने बताउनुभयो । ‘सहकारीबिना देशले आर्थिक प्रगति गर्न सक्दैन्’ उहाँले भन्नुभयो, ‘आर्थिक विकासका लागि सहकारीलाई बलियो खम्बा बनाउनुपर्छ ।’IMG_4899
संविधानपछि आर्थिक सम्वृद्धि द्रुतगतिमा अघि बढ्ने दावी गर्दै उहाँले सहकारीमैत्री संबिधान बनेमात्र देशको अर्थतन्त्र शक्तीशाली बन्ने बताउनुभयो ।
नेफ्स्कूनले बचत तथा ऋण सहकारीको अनुगमन र एकीकरणमा जोड दिनुपर्ने गृहमन्त्री गौतमले जोड दिनुभयो । ‘अब सहकारीले उत्पादनमा जोड दिनुपर्छ । उत्पादनबिना देश विकास सम्भव छैन्’ उहाँले भन्नुभयो । सहकारीले कृषि, उद्यमशीलता, स्वरोजगार र गरिबी उन्मुलनमा ध्यान दिन उहाँले आग्रह गर्नुभयो ।
सहकारी तथा गरीबी निवारण मन्त्रालयका निमित्त सचिव सुरेश प्रधानले सहकारीले राष्ट्र मजबुद बनाउन सहयोग पुर्याएको बताउनुभयो । ‘यसले प्रविधि, शिप, पुँजी र बजार भए मात्र गरीबी निवारण गर्न सकिन्छ । यसमा सहकारीको भूमिका महत्वपूर्ण छ’ उहाँले भन्नुभयो । सहकारी नीतिको माध्यमबाट सहकारीको सवल, सक्षम र प्रभावकारी बनाउन एक्सन प्लान बनाउने काम भइरहेको उहाँको भनाई थियो । सहकारी नियमनमा प्रभावकारी बनाउन क्रियाशील रहेको उहाँले बताउनुभयो । ‘सहकारीमा विसंगती पनि छ, विसंगति नियन्त्रण गर्न साकोस समिटले रचनात्मक नयाँ मार्गदर्शन गर्न सक्नुपर्छ । ’उहाँले भन्नुभयो ।IMG_4899
सहकारी विभाग रजिष्टार विष्णुहरि पौडेलले सहकारीको पूर्ण व्यवसायिक विकासका लागि नेफ्स्कूनले सुरु गरेको राष्ट्रिय मापदण्ड (प्रोवेसन) लागु गर्न आफूहरु तयार रहेको बताउनुभयो । ‘सहकारीमार्फत अघि बढाउनु विभाग कटिवद्ध रहेको छ । यसले संस्थाको क्षमता अभिवृद्धिमा टेवा पुग्ने छ ।’ रजिष्टार पौडेलले संस्थाहरुको मर्जका लागि पहल गर्न आग्रह गर्नुभयो ।
राष्ट्रिय सहकारी संघका अध्यक्ष केशव वडालले सहकारी अनुशासित र व्यवस्थित सहकारी अहिलेको आवश्यकता भएको बताउनुभयो । ‘सहकारीले अर्थतन्त्रलाई गतिवान बताउन थप टेवा पुगेको छ, अझै सहकारीको पहुँच र बिस्तारमा जोड दिन आवश्यक छ’ उहाँले भन्नुभयो । सहकारी निजी कम्पनी भन्दा फरक रहेको र यसले समाजिक व्यवसायमा जोड दिने उहाँको भनाई थियो । सामाजिक न्याय र उत्पादनमा सहकारी सक्षम रहेकाले सहकारीबाट नै आर्थिक सम्भव हुने उहाँले बताउनुभयो । अध्यक्ष बडालले व्यापार घाटा कम गर्नमा सहकारीले सहकारीले भूमिका खेल्ने उल्लेख गनुभयो ।

IMG_4855
नेफ्स्कूनका अध्यक्ष ऋषिराज घिमिरेले सहकारी सुशासनमा बस्न अत्यावश्यक भएको बताउनुभयो । बचत तथा ऋण सहकारीका लागि छुट्टै ऐन बनाउन सके व्यवस्थित ढंगले सहकारी सञ्चालन हुने बताउनुभयो । सहकारी सुरक्षित बनाउन नेफ्स्कुनले एकीकृत साकोस प्रणालीमा जोड दिएको बताउनुभयो ।
५ सय भन्दा बढी सहकारीकर्मीको उपस्थित रहेको गोष्ठीमा एकृकित साकोेस प्रणाली, साकोसमार्फत वित्तीय समावेशीकरण र युवा तथा महिला सशक्तिकरणका मुद्दा, साकोस एकिकरण, वित्तीय साक्षरतालगायतका विषयमा कार्यपत्र प्रस्तुती र छलफल हुनेछ । गोष्ठीको दोस्रो दिन शनिबार छलफलका विषयवस्तु समेटेर काठमाडौं घोषणापत्र जारी गर्ने कार्यक्रम रहेको नेफ्स्कूनले जनाएको छ ।
नेफ्स्कून नेपालका बचत तथा ऋण सहकारीहरुको केन्द्रीय छाता संगठन हो । संघमा हाल देशभरका करिब २३ सय संघसंस्था आवद्ध रहेका छन् । संघले सहकारीहरुको क्षमता अभिवृद्धीका विभिन्न कार्यक्रम संचालन गर्दै आएका छ ।


प्र तिक्रिया दिनुहोस !

सम्बन्धित खबरहरु

आइसीए एपीको क्षेत्रीय सभा सम्पन्न
भक्तपुर बचत संघको आमदानी दोब्बर
सहकारी अभियन्ता उद्धव सापकोटालाई पुत्री शोक
सिवाईसी र कश्मिसेरा एकीकरण हुने