सहकारीमार्फत दूधमा आत्मनिर्भर बनाउन कृषि मन्त्रीको जोड


चितवन, माघ २४ । कृषिमन्त्री हरिप्रसाद पराजुलीले सहकारीमार्फत दूधमा आत्मनिर्भर बनाउनुपर्नेमा जोड दिनुभएको छ । सहकारीले उत्पादनक्षेत्रमा क्रियाशील हुन सके छिट्टै दूधमा आत्मनिर्भर हुन सक्ने बताउनुभयो ।
गौरीगञ्ज दुग्ध सहकारी संस्थाको भरतपुरको २६औं वार्षिकोत्सवका अवसरमा मन्त्री पराजुलीले सरहकारी र नीजि क्षेत्रको क्रियाशिलतामा तीन वर्ष भित्रमा नेपाललाई दूधमा आत्मनिर्भर बनाउन सकिने बताउनुभयो । ्सरकारले नेपाललाई दुग्धजन्य पदार्थमा आत्मनिर्भर बनाउनको लागि १३ वटा जिल्लालाई पकेट क्षेत्रको रुपमा घोषणा गरेको बताउनुभयो । हाल एक जना नेपालीले वार्षिक रुपमा ५७ लिटर दूध पिउंदै आएका र अबको दुई वर्षमा प्रति व्यक्ति प्रतिवर्ष ९१ लिटर दूध पिउने वातावरण बनाउन सरकार लागि परेको मन्त्री पराजुलीले बताए । सरकारले अबको पांच वर्षमा नेपाललाई मासु र मासुजन्य पदार्थमा आत्मनिर्भर बनाउने तयारीमा काम सुरु गरेको पराजुलीले बताउनुभयो ।
‘१० वर्षमा कृषि क्षेत्रमा नेपाललाई पूर्ण आत्म निर्भर गराउने तरीकाले हामीले काम गर्दैछौं’, मन्त्री पराजुलीले भने, ‘सन् २०१५ सम्ममा भोकमरी र कुपोषणको अन्त्य गर्ने सरकारले घोषणा गरेको छ ।’ नेपालमा वार्षिक रुपमा पांच अर्ब रुपैयांको तेल आयात गरिएको बताउंदै मन्त्री पराजुलीले सरकारले नेपाललाई तेलमा आत्मनिर्भर बनाउनको लागि ४२ जिल्लामा भटमास खेति गर्न लगाउने बताउनुभयो । नेपाल सरकारले १० हजार युवालाई व्यवसायिक कृषिको लागि अनुदान दिने भनेकोमा १९ हजार छ सय २४ जनाको आवदेद परेको र सबैलाई अनुदान दिने तयारीमा सरकार रहेको पराजुलीले बताए । यसैबीच गौरीगञ्ज दुग्ध उत्पादक सहकारी सस्था लिमिटेडले गोवर परिक्षण गर्ने ल्याव शुक्रवार देखि सञ्चालनमा ल्याएको छ ।
दैनिक २ हजार लिटर दुध संकलन गर्दै आइहेको सहकारीले निशुल्क गोवर परिक्षण गर्न मिल्ने गरी १ लाखको लगानीमा ल्याव सञ्चालनमा ल्याएको हो । ४६ साल माघमा स्थापना भएको सहकारीले सुरुमा दैनिक ८ लिटर मात्रै दुध संकलन गर्ने गर्दथ्यो । ल्याव विहान ९ बजेसम्म सञ्चालन हुने जनाइएको छ । सहजरुपमा गाईभैसीको रोग पहिचान गर्न ल्याव सञ्चालनमा ल्याइएको व्यवस्थापक ऋषिराम शर्मा भण्डारीले जानकारी दिएका छन् । दुध चिस्याउने यन्त्र चिलिङ भ्याट समेत आफ्नै स्वामित्वमा रहेको सहकारीले कृत्रिम गर्भाधान सेवा समेत दिदै आएको संस्थाका अध्यक्ष जगन्नाथ कडेलले बताए ।
गौरीगञ्ज दुग्ध सहकारी संस्थाको शुक्रबार सम्पन्न २६ औं वाषिकोत्सव एवम् पशुधन सुरक्षण समुद्घाटन कार्यक्रममा चितवन क्षेत्र नम्बर ४ का सभासद् रामकृष्ण घिमिरे, नेपाली काग्रेस चितवनका सभापति टेकप्रसाद गुरुड।, नेकपा एमाले चितवनका अध्यक्ष जगन्नाथ थपलियालगायतले मन्तव्य राखेका थिए । संस्थाका अध्यक्ष जगन्नाथ कंडेलको अध्यक्षतामा भएको कार्यक्रममा उपाध्यक्ष तोयानाथ पन्तले स्वागत मन्तव्य व्यक्त गर्नुभएको थियो । कार्यक्रममा संस्थाका व्यवस्थापक ऋषिराम शर्मा भण्डारीले प्रगति प्रतिवेदन प्रस्तुत गर्नुभएको थियो ।


प्र तिक्रिया दिनुहोस !

सम्बन्धित खबरहरु

कोपोमिसमा समष्टिगत विवरण दाखिला सम्बन्धी अभिमुखिकरण सम्पन्न
हरिवन नगरपालिकामा सहकारी सचेतीकरण कार्यक्रम सम्पन्न
घोराहीमा साकोसहरुका लागि वार्षिक योजना तथा बजेट निर्माण तालिम सञ्चालन
तामाकोसी क्लष्टरको १४औं कार्यकुशलता तथा सिकाई व्यवस्थापन कार्यशाला सम्पन्न